味為鮮 (Closed)

餐廳在外邊望未必會非常吸引，但呢間家族餐廳絕對有服務同真心待客同埋售價超平！開業故事：老闆一家人，因爲個女嚟香港讀書，搬來香港時亦將家鄉廣西美食亦一齊帶來香港，feel 到佢真心做廚，亦帶來非常正宗嘅煮法醬香手抓骨：呢個小食喺大陸就有食過，香港真係第一次！個肉亦煮得非常入味，好淋，熱辣辣，超好味！廣西米線：朋友叫咗碗「老友米線」，老闆解釋老友係個湯，即係酸辣，仲講埋家鄉故仔我哋聽解釋名字由來廣西米線口感亦不同一般米線，唔淋，反而爽口彈牙啲，我好鍾意！如果叫外賣更加唔洗怕浸住湯太淋呢碗我試咗川味腩肉米線，要揀辣度同老闆講就得～自家製任飲涼茶：傾開計問老闆點解會冇賣飲品，原來老闆係想幫客人慳番啲錢，冇汽水嗰啲供應，取而代之就有自家製任飲「羅漢果菊花涼茶」亦因爲食物全無味精，根本唔需要飲汽水嗰類飲品解味，好自信大家記得要飲曬，唔好攞咗嚟洗筷子啊！香港地生意難做，希望呢間小店可以用真誠留得住啦，加油！