味為鮮 (Closed)

今日經過女人街，見到個招牌好有內地的感覺，通常這些都是夠家鄉地道風味，於是跟友人入去試試。無華麗裝修小店，但內裹充滿左人情味。食物既味道的確用心，雖是小店但往往比起更多連鎖式集團更加親切。聽店主聊天對話中真係感到他們既親誠。想不到花園街會有那麼親民的小店，餐廳的位置不多，但是老闆非常親切。一坐低就有羅漢果水，還可以任飲，完全冇落糖，飲落非常甘甜，絕對解到辣！開頭以為係茶黎餐廳的食物選擇很多，但最有特色的還是他的老友粉。一場黎到當然要試下老友粉。老友牛肉米綫 $43: 店舖所用既米綫係老闆專程係廣州運落黎，超級爽口彈牙，質地有啲似檬粉，牛肉會先同蒜頭、豆豉、蕃茄、酸荀一同炒，之後加入預先熬製既湯底，所以香氣十足! 酸酸辣辣，好開胃好惹味，而且牛肉好入味又好嫩滑!醬香手抓骨 $23: 老闆娘好貼心提供手套，方便拎住黎食，肉質好淋，啲肉輕易離骨，證明炆得夠時間，所以都特別入味，真係勁正完全唔落味精嘅餐廳係香港真係好難搵，希望大家唔好介意佢冇華麗嘅門面比大家打卡，而去欣賞呢間餐廳食物嘅內在!

經開女人街見到有間廣西桂林米線，好似幾吸引，因為本人非常鍾意食米線，見到咁特色，於是入去試吓啦。一入到去，餐廳見面不大，但是坐得幾舒服，老闆態度好親切，主動介紹有什麼特色菜，依度的米線價錢非常親民，揀了出名的老友記牛肉米線，和醬香抓骨米線。叫多一份雞翼小食。等了一會，米線上台了，廣西米線之前在深圳食過，在香港少之又少。這裏的賣相好吸引，老友記牛肉米線係王牌，酸酸辣辣，桂林米線口感和香港食到的米線完全不同，滑得來又夠晒煙韌，最值得一讚的是湯底，朋友平時完全不會飲湯底，今次都飲晒，完全冇味精，好香的豬骨酸辣味，口味正宗桂林米線風味。如果唔食辣的，就可以試吓我這碗醬香抓骨米線🍜兩大夠長香骨，附上手套，都夠晒細心，米線是清湯底，清清甜甜，醬香骨滷得非常入味，唔錯。最值得一讚的是附送的那杯茶，不是普通的茶，是他們自家煲的羅漢果茶菊花涼茶，真係要支持下本土小店，從心出發，食等你食完酸辣米線，飲番杯涼茶不用上火。

Tried this place as I was in the area, mainly because it was cheap!Noodles cost under HKD28 and snacks are around HKD23I was interested in the noodles because they are milled by this stone thing according to the poster.There were some other interesting items like grilled fish in wine or something but it was all in Chinese.I thought the star of the show were the ribs which I have previously tried in something restaurant but the ribs were not as good as that place.The ribs were sweet and the textu

近排香港多左好多由內地人開的粉麵店，今日經過女人街，見到個招牌好有內地的感覺，通常這些都是夠為有內地地道味道的，於是跟友人入去試試。餐廳不大，坐位也不算好多，一入門口店員已經熱情招待，座低後店員為我們遞上「熱茶」。看過餐牌後，跟友人一人點了一碗粉及小食。酸辣碎肉米線($38)，第一次食就試下這款最普通的款式。湯有點點酸辣，唔會好辣，除了有肉碎，還有筍片跟肉碎一起。老友粉看上去跟米線的樣子差不多，但是顏色是有少少透透地，食落比米線更爽口。蕃茄牛肉米線($38)，這款是不辣的米線，湯底有少少蕃茄的酸味，牛肉幾滑。這個湯飲左都冇口渴的感覺，證明沒有落味精!辣味雞腳($23)，眼看雞腳唔係用上好大隻的雞腳，但是辣度非常充足!陳醋雲耳($20)，雲耳一向是我喜歡吃的小食，這款的夠酸而且加上蒜蓉的辣味，非常惹味!食完米線諗住飲「茶」的時候發現原來店員起初給我們的並不是茶，原來是羅漢果水，可以解辣!而且店員會不斷為我們添，真係估佢唔到!

主打廣西南寧美食老友粉，另外仲有其他秘製米綫同特色小食😋老闆亦都係呢度既廚師，間中會同客人傾計了解佢地對食物既意見，又分享下老友粉既故事😀呢度提供無限添飲既羅漢果茶🍵，清熱潤肺，非常窩心😜----------老友牛肉米綫 $43店舖所用既米綫係老闆專程係廣州運落黎，比較有口感，冇禁易斷😊牛肉會先同蒜頭、豆豉、蕃茄、酸荀一同炒，後加入預先熬製既湯底，所以香氣十足😌味道酸酸辣辣，好開胃好惹味🤗牛肉好入味又好嫩滑，正😋醬香手抓骨 $23老闆娘好貼心提供手套，方便拎住黎食😍肉質好 淋，啲肉輕易離骨，證明炆得夠時間，所以都特別入味，真係勁正😙麻辣大腸 $23因為綿羊唔係好食得辣，所以選擇左走辣😅不過都唔會因為走辣而變得冇味，醬汁好入味，而且好鍾意佢洗得夠乾淨👍五香燒肉 $23燒肉唔硬，肉質算淋，炸得幾脆，而且落左五香，食落好香口同有層次感😉陳皮番茄 $20冇諗過陳皮同番茄可以得出禁正既效果😚番茄片再加陳皮粉，減低左番茄既酸味，又食唔出陳皮既苦味，好特別😆

自睇完雜誌介紹，今日晏晝專登去試。分別試了麵，魚同埋醬骨...專登叫咗碗佢哋嘅特色牛肉湯麵，味道一般，並唔係雜誌介紹中甘特別味道...魚在上菜前會點火，但係餐廳諗漏咗一點，啲火酒會走入去條魚度，今日食到魚有火酒昧醬骨意外好味，不過一份只有2小件，我2個人，要叫2 rounds　

女人術近住家樂坊對面有間住家菜既餐廳，行完街後入左去食。餐廳剛開張不夠，大概三個月，本身想食佢既招牌烤魚，但係果日去到已經賣哂，老闆話寧願入少d貨，都要確保魚係新鮮既。 個餐牌都抵，39蚊兩款送，有飯有涼茶。————-我地叫左碟小菜，拍青瓜，非同兩餸飯，特別推薦醬香抓骨同台灣鹵肉，鹵肉非常入味，加上鋪頭既秘製醬，好正。仲有送菜脯。本人認為店鋪新開張，係缺少了一d裝飾，比起隔壁七彩繽紛，突出既裝飾係輸蝕左d。但飯菜味道唔錯，同埋好有住家飯既感覺，希望餐廳可以繼續努力，認真經營。

無華麗裝修小店，但內裹充滿左人情味。食物既味道的確用心，雖是小店但往往比起更多連鎖式集團更加親切。和店主聊天對話中真係十分感到他們的親誠。下午茶時段特別抵食，選擇都幾多，價錢仲非常相宜。而且仲有涼茶任飲，店主用既食材又新鮮，要支持一下。招牌老友粉，同朋友選擇左豬肉。新鮮，嫩滑而且米線係老闆自己搵左好多地方終於搵到最吸味吸湯而又不淋既，格外用心。湯或酸酸辣辣的，仲有蕃茄嘅甜香。開胃而且呢種口味比較獨特，香港嘅米線店都從未試過。火焰烤醉魚，外皮非常香脆，配上獨特既老友醬汁，蕃茄同醬汁既配搭極為完美。鍾意食烤魚同埋麻辣既我雖然呢隻烤魚唔係酸辣味道，但係就比我試咗一種唔辣都好食既魚。而醉魚有微微酒香，仲要用馬友魚，如果出邊食嘅話一定唔止呢個價錢，小店嘅成本真係好高。另外陳皮番茄亦都非常有特色 ，估唔到陳皮同蕃茄嘅配搭可以咁出色。陳皮嘅味道加強左番茄嘅鮮甜。另外仲有多款唔同嘅涼拌小食，最重要佢飲品唔使額外叫都已經有任飲，就算食麻辣野嘅時候都唔怕。

今晚黎到旺角最多食店嘅一條街 - 女人街食呢間專食廣西菜嘅餐廳 味為鮮店舖外表平凡，就好似係廣州隨便入嘅一間餐廳咁，無花巧嘅裝修，偏偏食物就帶有一份人情味。一入內老闆+大廚就好熱情咁問我想食啲咩，咁我就揀左廣西非常出名嘅老友粉，同埋手抓醬香骨，老闆仲推介我試陳皮蕃茄。佢用左廣西南寧專用嘅米線，超級爽口彈牙，質地有啲似檬粉，但又會多啲麵團感覺，好好食👍🏻所謂老友其實即係酸加辣湯，佢唔係四川麻辣，而係直辣喉嚨但又好快適應果種，好過癮瘦肉係爽滑嘅豬肉片，索哂啲湯好好味手抓醬香骨係大陸成日食，係香港好似真係第一次見，鹵得好香，啲肉好lum身，呢個好值得試陳皮蕃茄都係第一次食，老闆用自己磨嘅陳皮粉加落蕃茄度，好香好特別係我辣到有啲喉嚨痛嘅時候，打開Menu竟然發現冇嘢飲買，於是問一問老闆，先發現原來我一坐低佢送俾我嘅呢一杯茶，竟然係佢精心每日都炮製嘅羅漢果菊花茶，完全冇落糖，飲落非常甘甜，絕對解到辣！仲要無限任裝！（差啲拎左杯茶黎洗筷子😂）之後就同老闆傾計，原來當年佢為咗陪囡囡嚟香港讀書，成家人由廣西搬咗過嚟，好辛苦咁打咗幾年工，先至可以起旺角做返老本行開廣西餐廳。我問佢唔辛苦咩？佢話為左個囡值

餐廳在外邊望未必會非常吸引，但呢間家族餐廳絕對有服務同真心待客同埋售價超平！開業故事：老闆一家人，因爲個女嚟香港讀書，搬來香港時亦將家鄉廣西美食亦一齊帶來香港，feel 到佢真心做廚，亦帶來非常正宗嘅煮法醬香手抓骨：呢個小食喺大陸就有食過，香港真係第一次！個肉亦煮得非常入味，好淋，熱辣辣，超好味！廣西米線：朋友叫咗碗「老友米線」，老闆解釋老友係個湯，即係酸辣，仲講埋家鄉故仔我哋聽解釋名字由來廣西米線口感亦不同一般米線，唔淋，反而爽口彈牙啲，我好鍾意！如果叫外賣更加唔洗怕浸住湯太淋呢碗我試咗川味腩肉米線，要揀辣度同老闆講就得～自家製任飲涼茶：傾開計問老闆點解會冇賣飲品，原來老闆係想幫客人慳番啲錢，冇汽水嗰啲供應，取而代之就有自家製任飲「羅漢果菊花涼茶」亦因爲食物全無味精，根本唔需要飲汽水嗰類飲品解味，好自信大家記得要飲曬，唔好攞咗嚟洗筷子啊！香港地生意難做，希望呢間小店可以用真誠留得住啦，加油！

見到旺角開咗間新店第一次見到有老友粉，原來是系廣西南寧的本土美食，所以就入去試吓啦而且價錢亦都幾抵食見到佢嘅老友牛肉米線係推介嘅所以就點左，加咗番茄同腩汁令到個湯底味道都幾濃郁，而且食完之後亦都唔會好口渴因為佢哋冇加味精！幾好！老友粉最特別嘅就係佢嘅口感比較滑而且爽口，所以同普通米粉就吾同嘅！配料入邊仲有蕃茄同牛肉而朋友就點左酸辣碎肉米線，湯底食完之後真係有麻味！鍾意食辣嘅朋友就唔好放過啦小編認為必點嘅就係呢個火焰烤魚，烤好魚肉口感比清蒸更鮮甜，就可以食得出魚嘅鮮甜口味，而且魚肉亦都好滑！最後亦點左呢款小食！骨頭浸入滷水嘅香味之後，好惹味！而且肉亦有半肥瘦所以好好味吾會好乾

<第一次食廣西老友粉 >🍜😍今次黎試下味為鮮 喺通菜街 環境細細既食店 食好有特色既廣西菜 老友粉 特登上網 search左 老友粉 係廣西南寧美食 同柳州螺螄粉 桂林米粉 梧州炒河 為廣西4 大米粉💪🏻此外 仲有特色烤魚 醬烤骨 口水雞 等小食 好有風味 值得試下😍🍴老友牛肉米綫 32 蚊 🐮🍜用左豆豉 酸筍 葱花 整成既湯底 🌿 整成 個湯底酸辣味好香🌶 用左豬同雞煲成 全無味精🐖🐤但又唔會好濃 湯底清新 全無味精 d筍好爽口 牛肉 係滑牛肉 熟程度剛好 吸左酸辣湯汁😍米線係來自廣西南寧 粗身爽口彈牙 好正 🍴醬香手抓骨 28 蚊🐖一碟兩件既醬烤骨 佢俾埋膠手套 都幾細心 . 醬烤骨 咸咸地帶 d豉油香 醬汁又帶 d甜香 個味調得好好 💪🏻豬骨唔多肉 豬肉筋肉位多有口感同好入味 唔錯 🍴五香燒肉 23 蚊🐖🔥外表炸得好香脆 出面帶有 d椒鹽香 好香口 入面既豬肉 唔會因為炸就好乾 入面既豬肉好肥美 帶少少肥膏 🐖 肉味香 正😍 🍴火焰醉魚 辣味🐟🌶 118 蚊一上枱見到用錫紙包住 仲著緊火🔥 到甘上下 拎開錫紙 就會見到好靚既新鮮馬友魚 炸起左 我好欣

原本約咗個朋友食飯，點知比朋友放飛機咁就周圍行逛下睇下有咩好食，好耐冇食過米線，見到女人街入面新開咗間米線舖，於是決定入去試吓呢間小店主力做米線，另外仲有啲特色小食我去到嗰陣老闆話佢啱啱開門咋，我就成為咗佢今日第一個客人坐低之後老闆放低左杯茶俾我，我開頭都冇為意，以為佢只係一杯普通嘅茶，點知原來係五花茶，真係估佢唔到，望咗個餐牌好耐唔知食乜好，老闆好親切行埋黎問我食唔食辣，佢就向我推介老友米線，佢話係酸酸辣辣既，我第一啖就試咗個湯先，佢同平時我哋食開嘅酸辣米線唔同，平時食嘅酸辣米線湯底都係用酸菜嘅味道做出嚟，而老闆係我介紹呢度嘅湯底係用豬肉同雞肉熬出嚟，辣椒係自己用鑊炒，絕對無添加味精，所以佢個湯底好鮮味我仲叫咗兩款小食，呢個醬香手抓骨又係老闆推介，呢個真係好少地方食到，而我上一次食就好似係返內地做嘢嘅時候，佢係用滷水汁煮出嚟，非常入味咁又唔會太咸，而且啲肉唔會好鞋呢個味道嘅米線真係第一次食，好有特色，餐廳仲有做下午茶，米線都只係買$28，絕對抵食！

下午茶行下旺角見到間幾得意既小店，老闆娘好親切仲有羅漢果水任飲。餐廳好有民族特色，幾有心思。佢地既米線都幾好味，老闆介紹你廣西特色既老友粉，香港冇得食嫁。湯底酸酸辣辣，仲有蕃茄既鮮甜。中意食酸辣米線同蕃茄米既一定要試下。另外有牛肉，都幾滑又有味。同埋食左個狀元骨，好開胃又多肉勁大塊！下午茶好抵食。20幾蚊已經有一半平時喺呢條街搵嘢食，都成日食伏野竟然比我搵到又平又好食既廣西口味。喺大陸都淨係食螺絲粉，或者桂林米粉但係呢一度都可以食到嗰種親切嘅味道真係唔錯唔錯。

同朋友行經女人街，被呢間小店的燈籠裝飾吸引，於是膽粗粗入黎試下。原來係食廣西菜的，一坐低就拎左3杯老闆自家製的羅漢果茶，比起其他店只係比杯普通茶或者水，見到店主的心思👍👍 我地3個人叫左一條火焰魚、招牌炒飯同牛肉米線，魚的煮法唔油膩，上枱時仲著緊火架，好特別，煮魚嘅醬汁好好味，唔腥同少骨。炒飯炒得非常乾身，夠穫氣，正😋😋 牛肉米線的牛肉比較少，而米線的與地比譚仔硬身同有口感，湯底濃得黎冇咩味精，份量亦比譚仔多，值得推介！