Video
Read full review
2024-10-21
203 views
無意中發現咗間幾好食嘅韓國炸雞想同大家分享吓。間舖位於北角新都城隔離小巷kfc隔離，咁啱夜晚行過見到冇乜人唔使排隊，所以入咗去試吓（其實都有啲人喺度等緊外賣）。入面都算新新淨淨，幾闊落。嘢食方面裏面都唔係剩係得炸雞嘅，咁我哋就嗌咗兩款炸雞，一個辣年糕，一個紫菜包飯同埋泡菜煎餅。炸雞都有幾多款口味，我哋嗌咗推薦嘅洋蔥忌廉炸雞同埋火辣炸雞。兩款都好食，外皮脆但入面雞肉都幾鮮嫩，尤其係洋蔥忌廉炸雞，醬汁調得好好食，而火辣炸雞就幾辣下，唔食辣嘅人可能未必會食到。兩款都有配沙律菜，連埋炸雞一齊食啱啱好。同埋想讚嘅係佢除咗Regular size仲有得揀baby size，咁就可試多幾款口味。不過baby size其實都唔算細，都有6 /7 舊。年糕方面，嗌咗carbonara味辣年糕，個汁夠濃，忌廉味幾出，加埋少少辣味，唔錯。裏面仲配咗啲韓式粉絲，連埋汁食非常之好食。紫菜包飯份量超好足料，又大條勁抵食。最後泡菜燒餅就正正常常，覺得冇乜特別。嘢飲就嗌咗兩杯梳打，都係正正常常，不過都算幾大杯。總結下，覺得而家韓式小店味道同埋份量方面可以話係高於平均，但佢價錢方面真心唔貴，所以真係幾抵食。我自己就應該
間舖位於北角新都城隔離小巷kfc隔離，咁啱夜晚行過見到冇乜人唔使排隊，所以入咗去試吓（其實都有啲人喺度等緊外賣）。入面都算新新淨淨，幾闊落。
嘢食方面裏面都唔係剩係得炸雞嘅，咁我哋就嗌咗兩款炸雞，一個辣年糕，一個紫菜包飯同埋泡菜煎餅。
炸雞都有幾多款口味，我哋嗌咗推薦嘅洋蔥忌廉炸雞同埋火辣炸雞。兩款都好食，外皮脆但入面雞肉都幾鮮嫩，尤其係洋蔥忌廉炸雞，醬汁調得好好食，而火辣炸雞就幾辣下，唔食辣嘅人可能未必會食到。兩款都有配沙律菜，連埋炸雞一齊食啱啱好。同埋想讚嘅係佢除咗Regular size仲有得揀baby size，咁就可試多幾款口味。不過baby size其實都唔算細，都有6 /7 舊。
年糕方面，嗌咗carbonara味辣年糕，個汁夠濃，忌廉味幾出，加埋少少辣味，唔錯。裏面仲配咗啲韓式粉絲，連埋汁食非常之好食。
紫菜包飯份量超好足料，又大條勁抵食。
最後泡菜燒餅就正正常常，覺得冇乜特別。
嘢飲就嗌咗兩杯梳打，都係正正常常，不過都算幾大杯。
總結下，覺得而家韓式小店味道同埋份量方面可以話係高於平均，但佢價錢方面真心唔貴，所以真係幾抵食。我自己就應該會再覆桌，試埋其他炸雞口味。
Post
