鳴門魚市場居酒屋 (Closed)

疫情關係， 思鄉病經常發作， 成日都掛住日本嘅美食。 尋幽探秘之後 喺西營盤搵到一間。好地道嘅日式小店。呢度嘅裝修都十分有日本嘅味道。北海道刺身丼，$328。 刺身選材同埋相 真係好有當日喺小樽食刺身丼嘅感覺， 有拖羅，海膽，三文魚腩，油甘魚 ，三文魚子，赤蝦同埋帶子， 陣容相當豐富！ 基本上裏面嘅刺身全部都鮮甜味美， 飯粒亦相當分明， 十分高質。豐御膳，$458。 呢個一人set包三款刺身， 一個小食， 一個主食， 一碗迷你鰻魚飯同埋甜品。 呢度嘅刺身真係無可挑剔， 特別係個三文魚腩，油香滿滿， 令人一試愛上。 作為主食嘅安格斯肉眼就不過不失。由於呢度嘅刺身真係唔錯， 最後決定加碼點空運新鮮貨， 三文魚腩太好味所以要加碼， 另外點咗日本好出名嘅金目鯛刺身， 火炙嘅外皮加上嫩滑嘅刺身 ，不愧為日本名物。