龍門冰室 (Closed)

話說我知道呢間餐廳支持學生送免費餐前幾日，我咁啱就已經食咗。有能力嘅你可以用港幣去進擊下佢，等佢收錢收到手軟。🤪--⚠️注意!! ⚠️ 屯門海麗&香港仔分店除外，都係富臨集團旗下，富臨同真龍門老闆合作開一間之後，富臨係無再溝通嘅情況下，就自行開咗香港仔分店。🤑 真係要幫真龍門老闆，以正試聽。 餐廳聲明，真龍門分店地址，優惠詳情，我Cap咗圖放係最後。💕 如果想知道清楚啲，可以上蘋果睇有關嘅訪問。--睇開我IG都知道我其實好鐘意食常餐，一或係番茄湯。如果唔鐘意番茄嘅你，佢仲有好多常餐嘅選擇噶。😘 店員真心好人，我其實差十分鐘先下午茶，職員應該知道我等緊，所以佢話下午茶可以照落單先，幫你係單寫反收下午茶價錢。平時啲茶餐廳邊會咁好咁有禮貌。--👉👉 餐牌係後面啊!! 👉👉--🍅 鮮茄濃湯牛肉公仔麵 &🐣 黑松露野菌芝士玉子燒 配多士 HK$40蕃茄湯底有好多蕃茄蓉同薯仔粒， 味道唔會好好甜，牛肉係鮮牛。 玉子燒有好多唔同味可以揀， 第一次喺餐茶餐廳食常餐有得揀黑松露，所以就揀咗。 玉子燒係有黑松露味，不過野菌份量就比較少。不過感覺其實唔係玉子燒，因為無好厚身嘅口感。不過呢個價錢真係咩都抵晒啦!!