旭

Open Now

Now Closed

希雲街幾年前仲係一條無人問津嘅鬧區靜巷，近年美食小店林立，變得人來人往！原來街底有一間主打廚師發板嘅日式餐廳「旭 Kyoku」，凹咗入去難怪一直留意唔到。適逢考完試一於獎勵吓自己貴少少食餐好嘅！前菜螢光魷魚：軟骨清除得好乾淨所以口感滑溜，本身爆膏，蘸上蛋黃醬味道更香濃。粒貝BB：以秘製燒汁汁煮，爽口入味。高湯茄子：平時好憎食茄子，估唔到高湯煮過之後冇晒澀味而且好淋身，我完全唔抗拒。龍珠果：酸酸甜甜好清新，品嚐刺身前正好用此清清味蕾。刺身野生真雕：真鯛又稱𩶘魚，薄切顯刀工，口感煙癮。味道偏清唔會腥，相信初嘗刺身者會容易接受。由於比較淡口，適合點酸汁或者鹽。紫蘇花睇得又食得，跟廚師指示滅啲放落酸汁，果然清香異常！蟹肉配海膽：來自北海道嘅毛蟹蟹肉鮮甜無比，撈埋蟹特別滋味。馬糞海膽味道同樣濃郁，個人覺得都係分開食好啲，唔會蓋過對方嘅味。天婦羅：對於第一次食「白子」嘅我黎講，天婦羅製法令呢個部位頗易接受。𩶘魚白子天婦羅外皮酥脆，內裏軟滑，加埋紫蘇葉完全唔腥。香魚bb天婦羅特意連內臟連骨炸，香脆得黎帶點回甘無咁膩。鳥貝：雖然顏色紫黑色外表唔討好，其實肉厚爽脆好鮮甜！廚師大力一拍仲識郁，證明好新鮮。