Soho Lounge

Open Now

Now Closed

星期六晚，家住大埔的我，跟友人在主場看愛隊vs 艾歷臣領軍，自開league 以來未嚐一敗的曼城。9:50 入座，吧已大半滿，立刻order 了hoegaarden 和kilkenny，跟著點了炒金邊粉和一客薯條。酒先來，味道當然是good 啦，跟著邊看球賽，邊等食物送來，看著頭15 分鐘被人以排山倒海式的攻勢，攻到有氣冇碇抖，真係心臟病發作，25 分鐘，正當開始搶回優勢時，金邊粉端來，邊看電視邊夾粉上碟，全程有夾冇食，專心看比賽。直至上半場完結，才正式吃著那碟炒得勁好味的金邊粉，辣而不搶喉，好正，還有大大隻蝦，$40 真係抵到爛。薯條係我至愛的波浪紋，炸得過了火，但尚可接受。我和友人趁下半場未開始，拿拿臨ko 了碟金邊粉，跟著來多兩round 啤酒，當下半場80 鐘愛隊中鵠，開心到成間吧震天，非常high 呢！