拳王泰國餐廳 (Closed)

約左朋友係銅鑼灣食飯，朋友未到，我就一路行一路揀，點知係間泰拳館隔離就見到間泰國菜我估應該係同一個老闆打理 有噱頭入面仲有幾部電視直播住拳擊比賽，非常有氣氛入面都幾多泰國菜揀，冬蔭公，明爐烏頭，咖哩蟹都應有盡有，揀都揀左15分鐘飛天通菜，泰國人既撚手小菜，好重鑊氣，值得一試4人份量既冬蔭功，份量好多，兩個人絕對飲唔哂，係傳統冬蔭功既味道，d蝦仲要幾大隻，好足料，美中不足就係有少少油黃金軟殼蟹，叫既時候仲以為係咖哩軟殼蟹，點知原來係秘製蛋黃醬，好香好特別，同大大隻既軟殼蟹襯到一絕，而且蟹膏又多，一食就咇哂出黎，真係食到一路流口水，碟底仲有茄子，夠哂驚喜，拎黎蘸醬就最岩去樓上洗手間既時候，仲發現原來樓上仲有個日本原燒打通左唔駛講咁多，緊係即刻試下雖然已經食到好飽，但都忍唔住叫左個厚玉子燒同牛肉串，雖然都要等一陣先燒起，但絕對物有所值，何況原燒就需要時間嘛，玉子經過調味但仍然充滿蛋香，牛肉串就好似一口和牛一樣，口感柔軟，但又不失牛味，絕對配得上原燒二字今餐真係食到好飽，一個地方可以食到泰國菜同日本菜，夫復何求呀