Video
Read full review
2006-03-07
8 views
我都係睇完雜誌，「慕名」去左銅鑼灣o個間。兩個人朝早11點到，間舖無乜人，點左喇沙、肉骨茶米粉、咖也多士同埋凍意米水。意米水先到，超級多冰，收左十幾蚊駛唔駛賺到咁盡呀？易米水姐....再等5分鐘，上咖也多士...唉，得半件，每人食得一個corner，暖暖地唔夠熱，但係已經係全個餐最好食o個樣。依然得兩台人，但係都要等十五分鐘先上喇沙同肉骨茶米(其間我已經出左去買報紙睇)。細節唔講，一句講晒，無味！真係唔明點樣可以煮到喇沙同肉骨茶米呢D咁濃味o既食物無味！麵條完全唔入味，就好似食齋粉一樣。我平時都會飲埋D湯，結果兩碗粉o既湯我都唔想飲。落單時個姐姐問我Laksa要油麵/米粉/兩溝？我話要油麵，結果都係上左兩溝....兩個人食左$130晏仔，好食的話無乜所謂，但係咁質素就真係掃興。下次要食我情願去灣仔下麵店，最多排下隊。就連買甜品o既貽軒都做得好佢好多！Malaymama.... 真係食到媽媽聲！
兩個人朝早11點到，間舖無乜人，點左喇沙、肉骨茶米粉、咖也多士同埋凍意米水。
意米水先到，超級多冰，收左十幾蚊駛唔駛賺到咁盡呀？易米水姐....
再等5分鐘，上咖也多士...唉，得半件，每人食得一個corner，暖暖地唔夠熱，但係已經係全個餐最好食o個樣。
依然得兩台人，但係都要等十五分鐘先上喇沙同肉骨茶米(其間我已經出左去買報紙睇)。細節唔講，一句講晒，無味！真係唔明點樣可以煮到喇沙同肉骨茶米呢D咁濃味o既食物無味！麵條完全唔入味，就好似食齋粉一樣。
我平時都會飲埋D湯，結果兩碗粉o既湯我都唔想飲。
落單時個姐姐問我Laksa要油麵/米粉/兩溝？我話要油麵，結果都係上左兩溝....
兩個人食左$130晏仔，好食的話無乜所謂，但係咁質素就真係掃興。下次要食我情願去灣仔下麵店，最多排下隊。就連買甜品o既貽軒都做得好佢好多！
Malaymama.... 真係食到媽媽聲！
Post