Video
Read full review
2000-12-04
8 views
要到昨日先去睇套正o野"人妖打排球"..~~睇完都成差唔多八點喇六合彩又開o左,睇下我係咪其中一個中頭獎的幸運兒先~結果係....車中得o個兩個字......不過話雖如此.點都要食飯架~~同女友話不如去soho食野,佢話西餐唔好喇,又貴又唔飽)~咁呀,去山頂喇~佢話去山頂食個mood 咋~無好o野食o架)之後佢話不如食台記啦~(台記即係台灣)...都好,~圓山老早去過唔再去住.~結果去o左加寧街的"菜根有味"..左兜右兜o左一輪去到話要等三個字,兩個人企o係街食風咩?都係去對面的"I.T" 打個轉先~隔離美味廚同對面的紅螞蟻一年三百六十五日都咁鬼死多人,呢間睇落去有後來居上之勢~單係睇裝修係絕對唔似係食台灣o野o架~好鬼"HIP" o下呢~等同霎東街的"AREA" 同蘭方道的"DINING AREA" 個feel 好相近~門口仲有兩部電腦俾你上網,不過咁o岩去到o個日o岩o岩壞o左..~~好喇~有位坐喇,不過要搭檯.....真係好唔自然,單係傾計都傾得唔自在啦~不過你地實話車!去茶記都係咁啦!)不過~同你去茶記o個d 係你老友~而今次同我去o個個,係我女友~知無?睇個餐牌,都係無咩頭緒
六合彩又開o左,睇下我係咪其中一個中頭獎的幸運兒先~結果係....車中得o個兩個字......不過話雖如此.點都要食飯架~~
同女友話不如去soho食野,佢話西餐唔好喇,又貴又唔飽)~咁呀,
去山頂喇~佢話去山頂食個mood 咋~無好o野食o架)之後佢話不如食台記啦~(台記即係台灣)...都好,~圓山老早去過唔再去住.~結果去o左加寧街的"菜根有味"..
左兜右兜o左一輪去到話要等三個字,兩個人企o係街食風咩?都係去對面的"I.T" 打個轉先~
隔離美味廚同對面的紅螞蟻一年三百六十五日都咁鬼死多人,呢間睇落去有後來居上之勢~
單係睇裝修係絕對唔似係食台灣o野o架~好鬼"HIP" o下呢~等同霎東街的"AREA" 同蘭方道的"DINING AREA" 個feel 好相近~門口仲有兩部電腦俾你上網,不過咁o岩去到o個日o岩o岩壞o左..~~
好喇~有位坐喇,不過要搭檯.....真係好唔自然,單係傾計都傾得唔自在啦~不過你地實話車!去茶記都係咁啦!)不過~同你去茶記o個d 係你老友~而今次同我去o個個,係我女友~知無?
睇個餐牌,都係無咩頭緒,叫個經理o黎介紹啦,~o黎得呢度盡量叫番d 台灣o野o黎食~唔好一個唔該同我整碟咖哩.........
個經理同我地點o左:台式豬頸肉,蚵仔煎,有個唔記得叫咩名的素食拼盤,大富豪炒飯,三杯雞,皮蛋豆腐等等.......
呢度上菜速度都幾快,不消一會豬頸肉到o左,呢度d 豬頸肉都算爽口,係皮燒得唔夠香...~可能台式係咁上下呢.~
個蚵仔煎d 蚵仔幾肥美~煎得o岩o岩好..唔會煎到實死,咬落去仲有汁爆出~~同我地在老廟食果d 蠔餅梗係唔同,一個潮式,一個台式睇下你喜歡邊樣~?
個大富豪炒飯有蟹肉,蝦,等海鮮o黎炒,~都好有鑊氣不過.......好油淋淋..~
個素菜拼盤有西蘭花冬瓜豆腐乾粟米荀冬菇草菇等等........夏天食唔錯,但係d 草菇一食就知係.......罐頭貨~
三杯雞落o左好多八角o黎煮~但係蒜子仲多過雞...~搞到呢"杯" 雞剩o左好多蒜子....
皮蛋豆腐d 豆腐接近生的邊緣........麻麻地..可能唔多o岩口味呢~
店內大銀幕理應播d 台記o野o黎睇~但係o個日播緊------ELTON JOHN wor~之後仲加埋JOHN LENNON 同大野陽子wor~~哈哈....
由take order 至埋單中間用o左40 分鐘,快呢.................?兩個人三百二係"圓山" 的三分二價錢,但係水準有無圓山三分二.~你話喇?
呢檔o野開到凌晨兩點~夜鬼又多個選擇,不過水準真係....仲差少少,唔係話呢間o野唔得...而係我可能覺得用圓山黎作指標...連蛋黃肉都無....成可體統?你叫我會唔會下次食dinner 時段再o黎..?? 我答唔到你但係女友就已話睬你有味!)
Post