百樂金宴國際宴會廳

Open Now

Now Closed

啱啱今日新屋入夥，搞完拜神之後附近搵餐廳食嘢，打算全家去飲茶，無意中比我搵到附近有一間平時應該for擺酒既宴會場，原來佢有做普通嘅飲茶同晚餐，但位置10分偏僻，平時應該好少人會去到，喺九龍灣宏天廣場。坐低問侍應攞點心紙，侍應同我地講星期六有半價，都十分之抵喎。七到八人叫咗好多點心，而且點心嘅味道唔錯，也很特別。飲茶少不了蝦餃燒賣， XO醬炒蘿蔔糕，仲有我最愛食嘅雪山叉燒包，呢度應還有蛋煎糯米飯，很少茶樓仍有呢個點心，因為好味所以點左兩個。另外還有一款特色腸粉忘記叫咩名，中間有啲趣粉包住蝦肉。整體點三嘅水準都比預期中好好多，再加上假日有折扣，所以讚讚，可能假日反而少人去。可惜最近再去的時候，不知道是否換了師傅，完全不一樣，味道差了好多，雖然仍有折扣，但點心數量完全減少，蝦餃燒賣由4粒變兩粒，各款包類流沙包雪山叉燒包等有三個變成兩個，而且部份點三已經冇做啦，令人好失望。