百樂金宴國際宴會廳

Open Now

Now Closed

【乳豬鮑魚宴】一圍$1800 / 半圍$900今次全家去訂咗一圍半，我就坐半圍，所以圖片全部係半圍既份量🥢鴻運乳豬全體個乳豬皮夠脆，但係膏多肉少，所以我食咗一舊就冇食🥢白灼海生蝦係比基圍蝦我哋嘅，份量就大概得半斤，每人兩隻左右🥢蒜蓉蒸大連鮑每人一隻，蒜蓉味係夠，個汁都做得幾濃味，鮑魚亦都夠彈牙🥢翡翠脆果炸帶子帶子炸過龍，有啲韌，腰果同西蘭花嘅味道正常🥢姬松茸燉雞夠味，但係湯渣嘅肉好韌，完全咬唔到🥢清蒸沙巴龍躉斑半圍都俾大概12両重嘅龍躉班，算係有誠意，蒸得夠熟，條魚亦都滑🥢白切文昌雞全晚最好食係依個雞，夠味夠滑，亦都多肉🥢野菌浸菜苗今次係食小棠菜苗，所以啲菜都唔老，味道正常🥢瑤柱蛋白炒飯個飯炒得好乾身，不過我嫌啲飯有啲硬，炒飯嚟講都無咩味道，好彩飯面有啲櫻花蝦乾，俾返啲味🥢合時甜品見到我哋自己帶咗個蛋糕慶祝生日，酒樓連甜品都冇上俾我哋，而我哋又唔記得咗有甜品，所以食唔到整體嚟講，酒樓個環境係舒服嘅，夠大，而且唔多人，可能係我哋星期四去食嘅關係。嘢食嚟講正常，俾得$900半圍，食物質素都算係咁，不過不失。不過個地理位置就真係好唔就腳，近啟德站多啲，九龍灣地鐵站過嚟都幾遠

位於九龍灣工廠區內的一間酒樓 超高的樓底 全廳無柱位 大大部啲電視 座位頗寬闊 員工服務態度很一般 食物不算突出但可以接受 叉燒味道和肉質可以 只是賣相不太好豉椒蟶子煎麵 香脆又惹味最差是煎藕餅 蓮藕很少只吃到魚肉其餘的出品也很普通 幸好有免費泊車 要求不高的 可去一試

聽朋友介紹去食，九龍灣百樂金宴國際宴會廳食得舒服樓底高，裝修0k，而且話咁嘅價錢咁嘅食物及質素找不到。夾夠六個人揸車去食半圍，嘩👍👍👍👍👍👍超值，點可以咁平嘅真係講出嚟都冇人信，我都系試吓咋，真係有喎，哈哈。仲好好味添，師傅手藝不錯，又好味又熱熱辣辣出餸而且仲好大碟，掛住食有些餸也忘記拍下來留個紀念添🤣🤣🤣。環境如朋友所講真不錯，最緊要樓底好高，坐得好舒服吾會迫迫夾夾，好。又嘗到一餐超值美味「平靚正」，香港真好

飲茶🫖🥰#啟德#百樂門呢度星期日下午茶黎講算係少人因為附近係商廈多 唔係比屋村包圍所以人流相對較少 平時如果搭正係2:00或者2:30開始下午茶時間先排隊 一定至少排到三點半先有得食☕️呢度環境好舒服😌食物都好有質素叫左十幾碟 5個人食 買單唔洗$500蚊👍🏻推介咖喱土魷 🦑魷魚好彈牙好入味👍🏻小籠包好多汁 小籠包皮唔算薄但至少唔會容易穿 可以成功將所有嘅肉汁索晒入口🤩👍🏻下午茶嘅雪菜肉絲米粉係意料之外大碗👍🏻單腳佬炒飯其實食落去有啲蟹肉 飯粒分明👌🏻👍🏻棉花雞好juicy大大舊雞 滑溜溜總體評分：食物：3.8/5環境：4/5 👾樓底高坐落好舒服

係九龍灣番工既我，呢日就俾上司同同事捉埋我一齊去飲茶！地址係九龍灣宏光道39號地下 餐廳名係百樂金宴國際宴會廳睇落裝潢華麗高級，應該新落成無耐吧？ 訂座電話：2806 8173 　可以筵開75席 23呎特高樓底 無柱式宴會廳 頂級舞台音響 獨立音響控制房 幻彩追光燈 · 舞台式燈光效果 宮庭水晶燈 華麗三角琴　獨立洗手間　大型ＬＥＤ食物方便因為都係大集團經營，有哂標準，絕對食得放心架！唯一想講係果碟燒雞，油太多啦，食完成口油呀＝＝我食哂成碟菜吸油呀搞到要！

作為一間在九龍灣工業區難得的酒樓，經常也不愁客，除了在疫情初期真的受重創，但近年質素愈降愈低，令人愈來愈卻步😣.🦐百樂門蝦餃皇 頂點 飲茶必點的矜貴點心，肉質少許彈牙，但餃皮一夾就爛，不過已經是今天最好味的點心。 .🐤四寶棉花雞 大點 蒸的時間過長，令雞肉肉質也變老。魚肚發水得相當大但不吸味.XO醬炒蘿蔔糕 特點蘿蔔糕口感太粉太實，蘿蔔香不多.🍞招牌流沙包 大點奶味猶在，感覺像普通奶黃包.🐓醬皇蒸鳳爪 大點蒸點心時間還好，令醬汁滲透入鳳爪內在.鮑汁鮮竹卷 中點鮑汁調得相當濃稠，味道不算很足，腐皮沾滿了醬汁，內裏餡料一塊團.🐙椒鹽魷魚鬚 $48以前一直是鎮店之寶，新鮮熱辣脆口彈牙，但現在魷魚鬚質地偏削沒口感

今天約左以前兩位同事到我屋企附近位於九龍灣宏光道39號宏天廣場地下百樂門飲茶🍵，因疫情太耐唔去飲茶，好似忘記左有咩好食的點心，依是叫左侍應拿點心紙介紹有咩招牌點心🥧，叫左原隻🦐蝦餃，蝦餃好彈牙，但味道一般無咩特別，小籠包子，雪山叉燒包，感覺外面果層唔會太甜，里面叉燒剛好，瑤柱炸兩腸，腸粉好滑，味道還可以，點心品種繁多，環境又舒適，價錢實惠，味道普通，總括來說還可以。因疫情開始放鬆可以坐四人一台，感覺飲茶的人都多左，住系附近的市民可以多D去幫襯刺激下香港經濟，因尼間好抵食

呢間野響屋企附近，老人家唔鍾意去太遠，所以都幾經常幫襯。真心講，味道普通啦，但佢衛生同啲樓面服務認真唔掂，嘢食有曱甴隔離枱都唔止聽過一次，親身都遇過兩次，最谷氣係叫個樓面阿姐過黎，仲懶風趣咁講：好彩唔係響入面，即刻火都嚟。咁嘅情況，樓面就只得一個應對，就係道歉，然後叫經理過嚟處理。咁嘅服務同衛生狀況，呢間嘢真係摺得。

今朝同屋企人飲茶，這間酒樓在12點前埋單有半價，所以特登早d出去飲，份糧都好足沒有因為半價而小左。雪山叉燒包真心好好食，外皮好脆堅正，熱辣辣好食過添x運好多又唔使排長龍. 豬仔包外型好吸引打咭一流不過只係一個普通叉燒包😆沒有驚喜，叫左一枱點心都係四佰幾蚊，酒樓環境唔錯留底好高地方又大，大家都食得好開心，因為九龍灣附近冇乜野食，所以應該會再黎幫襯👍🏻👍🏻👍🏻總括平靚正星期一至五仲有$1優惠🤩

啱啱今日新屋入夥，搞完拜神之後附近搵餐廳食嘢，打算全家去飲茶，無意中比我搵到附近有一間平時應該for擺酒既宴會場，原來佢有做普通嘅飲茶同晚餐，但位置10分偏僻，平時應該好少人會去到，喺九龍灣宏天廣場。坐低問侍應攞點心紙，侍應同我地講星期六有半價，都十分之抵喎。七到八人叫咗好多點心，而且點心嘅味道唔錯，也很特別。飲茶少不了蝦餃燒賣， XO醬炒蘿蔔糕，仲有我最愛食嘅雪山叉燒包，呢度應還有蛋煎糯米飯，很少茶樓仍有呢個點心，因為好味所以點左兩個。另外還有一款特色腸粉忘記叫咩名，中間有啲趣粉包住蝦肉。整體點三嘅水準都比預期中好好多，再加上假日有折扣，所以讚讚，可能假日反而少人去。可惜最近再去的時候，不知道是否換了師傅，完全不一樣，味道差了好多，雖然仍有折扣，但點心數量完全減少，蝦餃燒賣由4粒變兩粒，各款包類流沙包雪山叉燒包等有三個變成兩個，而且部份點三已經冇做啦，令人好失望。

2019年10月20日早上10:00本身住黃大仙 兼晏啲去九龍灣有野做同媽媽去飲茶網上見到食評有啲期待一入到黎 環境好大 座位闊絡先講茶 啲茶葉有up味 試左香片 再換鐵觀音都係咁既味......茶錢$12一位 真係唔抵之後叫左咸骨菜干粥 生煎菜肉包 同 原隻鮑魚燒賣咸骨菜干粥-7分 淡淡地唔錯 朝早食易消化生煎菜肉包-1分 上菜時凍左 包皮唔好食 表面唔太多煎既痕跡原隻鮑魚燒賣-4分 燒賣好大粒 抵食既 不過味道一般仲有叫左鮮蝦菜苗餃（即第一圖）-3分 佢係潮洲粉果外殼 菜苗餃餡 皮太厚 厚過我面皮 真係同我食開有啲出入總括來說 真係唔會再幫襯 亦都唔推薦大家

昨晚有幸去了一個在這裏舉行的大型春茗。 當時我哋那一圍有一隻水杯打反，而弄污糟咗，便叫來添茶水男性肥肥地的服務員可否給我地別一隻杯， 我哋是好有禮貌的說"唔該,可否 給我一隻杯"。怎知 他很惡，很冇禮貌的回答……"杯？無呀，無呀。杯吾夠杯用呀" 便離開。 我哋 全圍枱啞口無言 ，笑了一笑，只好整晚用自己隨身攜帶的膠水杯在這春茗 宴會飲用。你話笑不笑話。什麼國際晏會廳是 這樣的對待人客？

夏蕙BB個契女邀請我哋去夏蕙姨生日飯同埋幫佢哋手籌款九點幾先開始上菜餓乳豬好食，脆龍蝦伊面都好食啖啖肉個翅唔評論了，因為我唔食翅的個沙律卷就唔得了，個皮有啲硬唔知係咪放耐左先上同埋個雞好鹹但係食完雞嘅時候已經10點半啦所以我地冇食之後嘅嘢就走咗了

公司攪宴會，我係工作人員，好早到場，場地在離地鐵站幾遠嘅甲級寫字樓地下，有接駁巴士到場，門面華麗，入內超高樓底，大舞台，舞台背仲有大LED顯示器，連接舞台邊係新娘房，房內地方大，房內配套幾好，大鏡、蒸氣熨斗、按摩椅、夾萬！新娘房要嘅都有！仲有兩度門，一度連接舞台，一度連接地方！方便唔同需要嘅工作人員出入！硬件唔錯！鴻運乳豬拼盤：足料大碟，叉燒半肥殺，中華沙律爽口嫩滑！燒豬皮脆肉薄！好味！其他無食！翡翠鳳凰蚌片：西蘭花爽口，雞片好多！嫩滑唔嚡！脆皮百花球：熱到辣咀，金黃色外脆內彈牙！好味！瑤柱扒時蔬：時蔬係外國豆苗，一枱有半圍人都唔喜歡呢種菜，好勁嘅草青味！不過今次我哋都有驚喜，瑤柱醬嘅味道平衡咗啲草青味，就覺得佢爽脆！好味紅燒竹笙海重羹：乜都切碎晒食唔出味！湯夠熱幾好！碧綠金錢海鮑片：最憎嘅小棠菜，雖然靚但無性格！口感又唔好！冬菇厚肉忟得淋！鮑片煙韌！好味嘅！清蒸大海班：肉幾滑，甜豉油清爽好味！百樂門燒雞：皮脆肉微嚡！正常錦繡炒飯：無食干燒伊麵：麵炆得滑身微鹹，好味！精美榚點：紅豆椰汁榚！仲未解晒雪，一般錦繡鮮果盤：西瓜切橙！正常食物正常圍菜菜色，無乜驚喜，好在夠熱，味道唔錯！負責我哋

閒日晏就黎飲茶。十二點半到已經差唔多全埸爆滿。點心七五折！叫左必食ga雪山义燒包，仲有鮮蝦豬肉燒賣，欖菜蜜汁骨，粉果，魚肉釀茄子，棉花雞。三個人埋單每人七十蚊。環境又舒服，好抵食！