大蔵季節料理 (Closed)

香港銅鑼灣 大蔵季節料理星期六下午下班後，朋友話想舒舒服服食日本野，就帶咗我黎大蔵。上到黎8樓，我地安排左坐卡位，餐廳格調好和風，燈光橙調幾柔和。午市套餐分為刺身壽司及熟食類， 包含前菜、沙律、味噌湯、茶碗蒸及飲品，價錢有貴有平。我同朋友揀咗汁燒鵝肝飯及銀鱈魚西京燒。前菜係海帶青瓜蕃茄沙律， 爽口得來配上日式醬汁非常好吃。茶碗蒸 蒸蛋混合咗高湯同食材嘅精華更鮮甜， 食落仲好滑溜。味噌湯味噌湯材料有昆布、豆腐、 豆皮等，夠曬足料。汁燒鵝肝飯鵝肝表面煎得好香脆，內裡滑嫩又帶油香, 味道亦都冇腥味， 再加埋日本嘅珍珠米吸收咗鵝肝嘅油香， 每啖飯甜得黎重帶有鵝肝香氣，好吃！銀雪魚西京燒銀雪魚用咗好精緻嘅日式碟裝住，表面顏色金黃色，食落口充滿著特別嘅甜味，而且佢冇魚骨食得特別痛快。最後飲埋杯橙汁，大滿足。