Flames (鴻圖道)

Open Now

Now Closed

經過觀塘工廠區都知道個地方比較灰沉，難得經過見到有間餐廳裝修精緻，就入咗去食。是日餐湯 - 雜菜湯有別於其他餐廳嘅雜菜湯，雖然係用蕃茄做base，但係呢碗湯冇蕃茄嘅酸味，而且有淡淡嘅牛肉香味，咸味啱啱好，唔係得死咸。所有湯料都煲得好腍，飲完好想再添。黑松露薯條薯條炸得卜卜脆好鬆化，大部分薯條都有黑松露粉同紫菜，條條惹味。巴馬火腿火箭菜薄餅極力推薦呢個Pizza! 佢好足料，啖啖都有濃郁嘅芝士、火箭菜同火腿，餅底厚度適中，唔會厚到好似食麵包咁。慢煮雞胸車厘茄香草醬扁意粉我個人比較鍾意腍啲嘅意粉，所以我會嫌佢麵身偏硬。鍾意al dente嘅朋友可以考慮吓。配搭嘅雞胸肉嫩，香草醬香味夠，如果可以多啲汁就好啲。自家製甜品 - Cheesecake個蛋糕不過不失，有奶香味，口感似啫喱。佢個餅底有牛油香同糖漿，唔係一拮就會散嘅餅底，配埋蛋糕食幾好。