Video
Read full review
2023-09-22
14 views
今日同老公去左荃灣，老公話除左商場有嘢食，其實附近橫街都有唔少餐廳。行過呢間餐廳門口，見到menu有石燒牛扒幾好食咁，咁就揀左呢間食晚飯。餐廳唔大唔細，食石燒牛環境應該會油淋淋好多煙。但坐底發覺都幾乾淨，通風亦做得唔錯，感覺幾好。Menu除左有石燒牛，仲有丼飯，個樣都吸引。最後我哋都係揀左兩款牛各200g，其中一款menu係無，係職員推介。另外再加左$32變左套餐，套餐可選3個item，有沙律、湯、薯條、飯同飲品。呢間餐廳都幾貼心，有圍裙比你，燒嘅時侯唔會彈到D衫周圍都係油。沙律：沙律菜爽口乾淨，仲有大蝦添，加少少胡麻醬就已經OK。湯：麵豉湯唔太鹹，仲有隻蜆仔。羽下牛扒：熱石溫度好高，食到最尾唔夠熱可以換。醬汁有紅酒牛扒汁同阿根廷青醬，另外仲有岩鹽同黑椒。牛扒厚切，大約一成熟，鐘意燒幾熟就自己決定。切開睇到脂肪分佈均勻，而切開細細件會比較容易控制。呢款脂肪比例剛好，入口油香味重，就咁落少少鹽調吓味已經好好食。小牛柳：切開橫紋清昕可見，幾靚。呢款牛扒比較瘦同淋，無咩脂肪。雖然瘦，但咬落一D都唔韌，厚實，有肉汁，好香，呢款真係好啱我。飯：都幾大碗，上面加左味素，有味道唔會太單調。飲品：罐裝
餐廳唔大唔細，食石燒牛環境應該會油淋淋好多煙。但坐底發覺都幾乾淨，通風亦做得唔錯，感覺幾好。
Menu除左有石燒牛，仲有丼飯，個樣都吸引。最後我哋都係揀左兩款牛各200g，其中一款menu係無，係職員推介。另外再加左$32變左套餐，套餐可選3個item，有沙律、湯、薯條、飯同飲品。呢間餐廳都幾貼心，有圍裙比你，燒嘅時侯唔會彈到D衫周圍都係油。
沙律：沙律菜爽口乾淨，仲有大蝦添，加少少胡麻醬就已經OK。
湯：麵豉湯唔太鹹，仲有隻蜆仔。
羽下牛扒：熱石溫度好高，食到最尾唔夠熱可以換。醬汁有紅酒牛扒汁同阿根廷青醬，另外仲有岩鹽同黑椒。牛扒厚切，大約一成熟，鐘意燒幾熟就自己決定。切開睇到脂肪分佈均勻，而切開細細件會比較容易控制。呢款脂肪比例剛好，入口油香味重，就咁落少少鹽調吓味已經好好食。
小牛柳：切開橫紋清昕可見，幾靚。呢款牛扒比較瘦同淋，無咩脂肪。雖然瘦，但咬落一D都唔韌，厚實，有肉汁，好香，呢款真係好啱我。
飯：都幾大碗，上面加左味素，有味道唔會太單調。
飲品：罐裝汽水，都有好幾款揀。
Post
