磊犇 (Closed)

呢排真係好興石燒牛，而好多石燒牛都只有不同牛肉的選擇，而呢度會有埋石鍋飯，多啲選擇。佢哋都係用好似日式嘅點餐系統，係個大屏幕度揀好咗要啲乜嘢菜式，在喺隔離俾錢，基本上係全自助形式，自己出去攞食物、飲品、前菜及湯等等。磊石扒唔知係牛嘅邊個部份，但同樣係200 克睇落大個牛肩扒好多，肉質比較結實，牛味都算濃。牛肩扒相對肉質比較淋，牛味比磊石扒重，我個人比較鍾意食牛肩扒。一口牛石鍋拌飯味道偏辣，啲黑椒汁好濃，餸飯唔錯。飲品佢哋有三款，我比較鍾意綠茶；前菜亦有兩款，泡蘿蔔好好味，我哋前後食咗四碗。晚市最平$78包白飯、飲品、前菜任食，性價比幾高。