風雲丸

Open Now

Now Closed

公司附近嘅日式餐廳，一直好想試，佢門口啲燈籠好sharp，就放工試試佢！🏮豚骨魚介沾麵 💰 98用電話落單，有得揀個沾麵係冷麵定溫麵，並盛（中）定大盛（大），好細心。一上枱，真心嚇親，佢個沾湯滾到滾到好似火山爆發咁，咁就正喇，唔會食食下凍晒！豚外皮有用火炙處理，入口即溶，沾一沾個沾湯，熱辣辣，好濃嘅鮮味，一流！食到一半，滴兩滴檸檬汁🍋，開一開胃，又係另一個食法。粟米粒 💰12新鮮爽脆，配個沾麵，作為主菜間嘅調劑又幾夾喎！🌽石燒蟹黃飯 💰128 🦀🍛呢個係限定，我一見就即刻揀左！佢一樣都係極度滾咁上枱嘅，我用兩隻匙羹攪拌，攪到均勻後每粒米飯都被金黃嘅蟹黃包含住，極度誘人！😋食到一半，石燒鍋嘅高溫令米飯帶有一層金黃的鍋巴，再增加左口感的層次，每一啖都有濃郁的蟹黃香氣，一絕！羽根餃子（5件）🥟🥟🥟🥟🥟💰37金燦燦嘅餃子底部朝天，脆而不硬，煎得啱啱好，咬落去都能都仲好juicy，很不錯。唐揚炸雞 （2件）🐓💰18炸粉極薄極脆，外酥內嫩。每一啖都食到炸雞皮的酥脆與雞肉的多汁，呢個真係必嗌小食！柚子雪芭 🍊🍧💰28用嚟做甜品真係啱啱好，口味清新，口感綿密，食完就真正大滿足！