豐鍋雞煲 (京瑞廣場1期)

Open Now

Now Closed

豐鍋係京瑞廣場一期既一樓同地下都有，我地去左一樓食雞煲。環境: 坐得好舒服，枱面同餐具都好乾淨無油跡。服務: 店員好靚女，又有禮貌，有問必答，即使長氣小小嘅問題，店員亦都好有耐性咁樣解答，值得表揚。食物: 我地一開始叫左個滋補螺片花膠雞煲($208)，辣既雞煲就食得多，今次我就叫左個養生嘅煲。雞肉非常鮮嫩，明顯唔會係放左好耐先拎出黎賣，加上個湯底，我地放哂d野落去煮左陣，湯底更鮮味。食完之後都唔會好口渴，證明用料天然又唔咸。特別推薦-頂級安格斯牛小排($178)就咁睇油花分佈都睇得出好平均，熟左之後更加明顯，雖然價錢係貴少少，但質素絕對值得。自創爆芝紫菜響鈴($42) 響鈴內層有紫菜同芝士包住，絕對適合芝士迷，芝士流哂出黎，如果食哂成舊會有少少偏咸。手工四寶丸($85) 非常彈牙，一食就知全手工打，用料非常天然，讚!德國手工麥啤($29)(抵飲!)好有麥味，飲住食雞煲一流。手工即炸魚皮($48)我鍾意成舊炸魚皮dom落去煲，之後等佢軟哂先食都依然好香口。