Explorer Fusion Restaurant (Closed)

同男朋友黎左沙田石門食野，就係貪呢度人流唔多，可以享受一下靜嘅環境。呢間餐廳幾特別，係日本同西餐嘅fusion bar and restaurant。雖然石門人唔多，但呢間餐廳都book爆左，同埋感覺有一部分係熟客，同侍應幾好傾。頭盤我地叫左個凱撒沙拉配63度溫泉蛋。建議一定要界開隻蛋，撈勻食，超正（我係溫泉蛋fans）。蛋汁配上酸醋同蔬菜，開胃得黎幾香。呢個fusion小食係凍醬油鴨胸，口感清新，好開胃。食完凍野想食下上熟野，所以我地叫左火炙壽司盛合，包括左三文魚、吞拿魚、帶子、海膽。侍應同我地講唔洗點任何醬汁，因為師傅已經幫我地落左海膽汁，好正。個人認為最好食係海膽！Main dish係意式燒春雞。