LEVELthirty 觀景酒廊

Open Now

Now Closed

同生意夥伴有啲嘢傾，平時通常去開尖沙咀某間餐廳酒吧飲杯野一邊傾，但今次避免撞到其他行家，我同佢又都係住喺新界東，所以partner提議去石門。呢間酒店嘅晚餐buffet之前同屋企人有試過，感覺麻麻，所以本身都冇帶住期望嚟，都係諗住飲杯嘢，傾返公事。但坐低見到個Menu $398一打生蠔連兩杯酒，覺得幾抵所以叫咗一set試吓。生蠔雖然好細隻，但$398呢個價錢，仲要包兩杯酒，都唔敢有太多要求。之後一邊傾公事一邊飲，叫多咗個pizza、一碟燒豬肋骨同叫多咗支酒。食物味道不過不失，但餐廳環境一流，有室內仲有露天坐位，景觀唔錯，幾個朋友飲杯嘢吹下水，呢間餐廳係一個唔錯嘅選擇。