川聚緣

Open Now

Now Closed

落住毛毛雨的晚上，近近地去左川聚緣食個晚飯，佢有川菜、燒烤、雞煲、烤魚等，餐牌應有盡有十分多選擇。最後決定點餸食飯🤤飲杯茶慢慢嘆先。⭐梅菜扣肉勁肥的梅菜扣肉，入口即化嘅肥肉超正，仲有吸滿豬肉好香口的梅菜，淨係呢味都可以食一大碗飯。⭐虎皮尖椒再來一份虎皮尖椒，有蒜香同豆豉，微微辣鹹香惹味。⭐乾鍋肥腸最後來個乾鍋肥腸，小火鍋上枱有火暖住😋肥腸好香脆，薯仔條軟軟糯糯，仲有唔少芹菜洋葱等，香口美味。⭐白飯咁好餸點少得叫個白飯😆⭐忌廉加多罐忌廉嘆下先，呵呵。食個飯傾下偈，星期五晚放鬆下嘛。