Video
Read full review
2021-10-06
161 views
之前行經天后已經留意到有間新開嘅居酒屋叫「碗盛」，皆因佢個木系門面幾靚，又掛滿燈籠🏮。呢日約咗個自稱鄉下喺日本嘅朋友嚟食晚飯，舒緩下佢啲思鄉情懷🤣。餐廳室內環境設計貫徹居酒屋風格🎌，當中更設有包廂，適合一班人聚會。而我哋就坐咗喺吧枱位置，私隱度高，但位置對正冷氣出風口，愈坐愈凍，建議隨身帶定件外套吧。沖繩水雲漬($68)，水雲又稱海發菜，係水藻嘅一種。黑色條狀口感滑溜，又帶點爽口，幾得意，而且配上柑橘醋🍊，酸酸哋，幾開胃。牛小排蘿蔔蓉醋串($45)，🐮牛小排一串有三粒，肉質燒完都唔韌，而且個蘿蔔蓉醋汁能畫龍點睛，微酸而不搶味。紫蘇芥末豬五花腩($32)，🐷五花腩嘅脂肪比例較高，食落好重油香。紫蘇葉嘅味道好出，蓋過咗芥末味，亦無乜辣味。燒白鱔($68)以及串燒豆腐($28)，🐟白鱔幾厚肉，魚皮燒至脆身，魚肉就保持鮮嫩。豆腐亦都幾特別，外層係煙煙韌韌嘅豆卜，內層就係嫩滑豆腐。大蔥雞肉($28)以及雞尾($25)，本身想要另外兩款雞肉串燒🐔，但售罄，店員介紹我哋食另外兩款雞串。雞肉同大蔥係朋友，好夾。我第一次食雞尾，原來係雞屁股🙈，其實都OK，幾爽口。汁燒一口牛柳粒($88)，🥩牛柳粒份量幾
餐廳室內環境設計貫徹居酒屋風格🎌，當中更設有包廂，適合一班人聚會。而我哋就坐咗喺吧枱位置，私隱度高，但位置對正冷氣出風口，愈坐愈凍，建議隨身帶定件外套吧。
沖繩水雲漬($68)，水雲又稱海發菜，係水藻嘅一種。黑色條狀口感滑溜，又帶點爽口，幾得意，而且配上柑橘醋🍊，酸酸哋，幾開胃。
牛小排蘿蔔蓉醋串($45)，🐮牛小排一串有三粒，肉質燒完都唔韌，而且個蘿蔔蓉醋汁能畫龍點睛，微酸而不搶味。
紫蘇芥末豬五花腩($32)，🐷五花腩嘅脂肪比例較高，食落好重油香。紫蘇葉嘅味道好出，蓋過咗芥末味，亦無乜辣味。
燒白鱔($68)以及串燒豆腐($28)，🐟白鱔幾厚肉，魚皮燒至脆身，魚肉就保持鮮嫩。豆腐亦都幾特別，外層係煙煙韌韌嘅豆卜，內層就係嫩滑豆腐。
大蔥雞肉($28)以及雞尾($25)，本身想要另外兩款雞肉串燒🐔，但售罄，店員介紹我哋食另外兩款雞串。雞肉同大蔥係朋友，好夾。我第一次食雞尾，原來係雞屁股🙈，其實都OK，幾爽口。
汁燒一口牛柳粒($88)，🥩牛柳粒份量幾多，調味偏鹹少少，但都算幾惹味同埋肉粒夠多汁。佢仲加入咗生洋蔥同乾蒜片，令牛粒份外香口。
叉燒拉麵($88)，🍜拉麵質素唔錯，湯底幾好飲，豬骨湯煮至奶白色，唔油唔膩。叉燒有四片，半肥瘦嘅質感喺口中溶化。麵條偏幼身，富有彈性。最後，伴旁仲搭配咗一細碟辣酸菜，酸酸辣辣，就咁食或者加入湯底都一樣正。
總括嚟講，呢間居酒屋賣嘅嘢食包羅萬有，不過我相信串燒係依度嘅招牌，枱枱都有嗌🍢。由於燒串燒需時，大家要耐心等候啊。
Post
