Video
Read full review
2021-09-22
127 views
尋日中秋節，今日訓到好晏先起身，去左天后清風街既碗盛食日本野。碗盛係一間居酒屋，環境非常正，入面有榻榻米房，裝修得好靚，要除鞋入去，仲可以關埋門，好有私隱度，多人黎可以包房。餐牌有前菜，沙律，串燒，一品料理，炸物，燒物，主食，飲品同酒，選擇好多。麻醬棒棒雞沙律 $68 另加一先黎一個沙律。棒棒雞即係雞肉切長條形，份量唔少，撈埋好多超幼身嘅爽脆青瓜絲，仲有生菜墊底，上面仲有京蔥絲。麻醬勁多，味道偏濃。芥辣八爪魚 $48 另加一芥辣八爪魚用左個靚靚嘅青色嘅兜裝住，再加一塊薄荷葉墊底。八爪魚切左細塊，好需要咬，芥辣味好濃，真係有啲辣。醬油漬奶油芝士 $48 另加一呢款前菜係推介。奶油芝士一客五件，好似迷你豆腐磚。粒粒芝士嘅芝士味好濃又滑，加左醬油漬所以味道偏鹹，作為一個送酒小食應該會唔錯。串燒主打黎自日本嘅雞，另外都有豬肉，海鮮同蔬菜串燒。一共叫左6串串燒，全部一齊上，伴碟有一塊檸檬，一粒車厘茄切開兩半同薑蓉。（左起）串燒豆腐 $28 另加一串燒豆腐一客三磚，燒得外脆內軟，塊皮少少燶。免治雞肉棒 $40 另加一免治雞肉棒採用來自日本嘅雞肉，服務員仲特別推介加埋隨碟嘅蛋黃加醬汁一齊食會滑啲。免
餐牌有前菜，沙律，串燒，一品料理，炸物，燒物，主食，飲品同酒，選擇好多。
麻醬棒棒雞沙律 $68 另加一
先黎一個沙律。棒棒雞即係雞肉切長條形，份量唔少，撈埋好多超幼身嘅爽脆青瓜絲，仲有生菜墊底，上面仲有京蔥絲。麻醬勁多，味道偏濃。
芥辣八爪魚 $48 另加一
芥辣八爪魚用左個靚靚嘅青色嘅兜裝住，再加一塊薄荷葉墊底。八爪魚切左細塊，好需要咬，芥辣味好濃，真係有啲辣。
醬油漬奶油芝士 $48 另加一
呢款前菜係推介。奶油芝士一客五件，好似迷你豆腐磚。粒粒芝士嘅芝士味好濃又滑，加左醬油漬所以味道偏鹹，作為一個送酒小食應該會唔錯。
串燒主打黎自日本嘅雞，另外都有豬肉，海鮮同蔬菜串燒。一共叫左6串串燒，全部一齊上，伴碟有一塊檸檬，一粒車厘茄切開兩半同薑蓉。
（左起）串燒豆腐 $28 另加一
串燒豆腐一客三磚，燒得外脆內軟，塊皮少少燶。
免治雞肉棒 $40 另加一
免治雞肉棒採用來自日本嘅雞肉，服務員仲特別推介加埋隨碟嘅蛋黃加醬汁一齊食會滑啲。免治雞肉質感鬆鬆哋而唔會死實，點左蛋黃汁真係滑啲，入面嘅雞肉碎都仲好多汁。
燒白鱔 $78 另加一
呢款串燒係推介。燒白鱔一客兩件，果然係皮脆肉鮮，味道已經調好，加左好多鹽花喺外皮燒，所以加返啲檸檬汁味道會平衡啲。
大蔥五花腩 $36 另加一
五花腩豬味濃又脆脆哋，大蔥燒完都唔韌。
紫蘇梅醬雞肉 $32 另加一
雞肉幾嫩滑，上面加左紫蘇梅醬同葉碎，味道鹹鹹酸酸咁。
日本青椒仔 $28 另加一
日本青椒仔一客四隻，好鮮甜，上面加左好多木魚碎。
火炙牛小排拉麵 $118 另加一
火炙牛小排六小塊，薄切，牛味濃又嫩口，好正。其他配料有香甜滑溜糖心蛋一開二，爽脆黑木耳絲，洋蔥，紫菜兩塊，蔥花同京蔥。拉麵係幼身麵，都幾有咬口。湯底係黑蒜油豬骨湯底，都重口味。
明太子汁蛋卷 $68
明太子汁蛋卷一客八件，熱辣辣上枱。玉子燒好嫩滑仲有少少蛋汁，上面勁多鹹鹹哋嘅明太子汁。伴碟仲有紫菜碎同木魚碎。
我哋今次兩個人坐四人卡位，座位舒適，仲有三個usb插頭。牆上嘅燈泡都係用碗黎裝飾。
Post
