Video
Read full review
2023-05-21
720 views
話說有日同夫人响港島行街，突然好想食煲仔飯，咁咪上網search下同問下d港島朋友有冇推介啦！跟住有個朋友whatapp我叫我試筲箕灣間祥囍啦！佢話包我好滿足咁走？不過去到可能要等好耐咖！咁緊要？咁即刻坐車落去試吓啦！去到，可能過咗繁忙時間，一去到就有位啦！都未坐定。。。已經見到有隻巨型豬手响我哋身邊刷身而過，我同夫人已經呆咗。。。都未望menu，又見到好大碟炸九肚魚飛過，真係嘩咗聲，於是即刻嗌嘢食挑戰下啦！第一樣嗌嘅係蝦乾臘味煲仔飯，一嚟到，姐姐嗌我哋唔好開蓋，落豉油响邊等佢滲入去做飯焦，隔咗幾分鐘，開蓋，嘩！好多料呀♥️飯同料嘅比例幾乎有7/3咁濟，放入後啖啖都有臘味同蝦乾，好香，可惜可能焗得唔夠耐，好少飯焦；第二樣嗌嘅係椒鹽白飯魚九肚魚雙拼，上枱碟嘢份量多到高過罐可樂，好大碟呀！九肚魚外脆內嫩，熱辣辣好正，白飯魚條條炸得好脆，好食到停唔到口；第三樣嗌咗啫啫蠔煲，d蠔大大隻有口感，不過遺憾味道太鹹。。。要飲返兩罐可樂中和下先得。。。
跟住有個朋友whatapp我叫我試筲箕灣間祥囍啦！佢話包我好滿足咁走？不過去到可能要等好耐咖！咁緊要？咁即刻坐車落去試吓啦！
去到，可能過咗繁忙時間，一去到就有位啦！都未坐定。。。已經見到有隻巨型豬手响我哋身邊刷身而過，我同夫人已經呆咗。。。都未望menu，又見到好大碟炸九肚魚飛過，真係嘩咗聲，於是即刻嗌嘢食挑戰下啦！
第一樣嗌嘅係蝦乾臘味煲仔飯，一嚟到，姐姐嗌我哋唔好開蓋，落豉油响邊等佢滲入去做飯焦，隔咗幾分鐘，開蓋，嘩！好多料呀♥️飯同料嘅比例幾乎有7/3咁濟，放入後啖啖都有臘味同蝦乾，好香，可惜可能焗得唔夠耐，好少飯焦；
第二樣嗌嘅係椒鹽白飯魚九肚魚雙拼，上枱碟嘢份量多到高過罐可樂，好大碟呀！九肚魚外脆內嫩，熱辣辣好正，白飯魚條條炸得好脆，好食到停唔到口；
第三樣嗌咗啫啫蠔煲，d蠔大大隻有口感，不過遺憾味道太鹹。。。要飲返兩罐可樂中和下先得。。。
Post
