曾記粿品

Open Now

Now Closed

皇后街的熟食中心，地點唔太就腳，但入面有好多特色排檔。其中最經濟的選擇非『曾記粿品』莫屬。潮式粿大大舊，用糯米和薯粉搓成，包保夠飽。舖頭嘅生招牌就係呢一盤盤嘅粿品，有好多街坊嚟買外賣。堂食的話一樣歡迎，可以請店子將粿煎香。由於我上次去到都隔咗好耐，可能已經加咗價。但應該都係經濟嘅。黑色嘅係黑桃粿，個餡係黑芝麻加綠豆，甜甜地幾好食。白色嘅有韭菜粿，蘿蔔粿，椰菜粿同芋頭粿。呢幾隻都係咸粿，尤其係韭菜粿煎得特別香。其餘兩隻菜粿都幾好，因為蔬菜嘅鮮甜味滲落啲皮度。埋單三草野，非常飽肚！