Video
Read full review
2019-01-07
113 views
今晚同友人約定去尖沙咀睇戲，時間尚早，於是去到海港城呢間來米芝蓮拉麵店先醫肚。 日式煎餃子 $45：餃子為豬肉豆腐餡，煎得唔算香脆，質素一般。 醬油拉麵 (標準) $98：招牌拉麵之一，有松露香味但唔算濃郁，湯底清澈，叉燒得薄薄一片，肥瘦適中，惟標準份量都算少。 照燒雞辛味味玉拉麵 (標準) $131：麵份量少，照燒雞還可以，湯底帶微辛但唔算十分辣，反而味玉 (滷溏心蛋) 既流心效果不錯。 期間有段小插曲，話說友人碗拉麵貴啲比較多料，理應有四片照燒雞﹑味玉同其他配料，但拉麵上枱時無味玉不特只，仲只得兩片碎雞肉，好明顯上錯食物。所以即時向店鋪有位身型瘦削專做落單/傳菜既大嬸侍應查詢，大嬸侍應拎住我地既點菜單望住黎對，佢重覆讀個名幾次“照燒雞辛味味玉拉麵”，然後講話 “岩啊, 無問題, 係呢個拉麵”，我地話無隻蛋喎？之後佢先好似突然醒覺發現問題，但居然帶住懷疑既眼光問我地有無食到？拉麵上枱已經即時查詢，何來食左？朋友已經開始不爽。第二，同大嬸侍應講：除左隻蛋，碗拉麵應該有四片雞，但而家得兩片係咪應該比少左呢？大嬸侍應答“可能個麵底有呢”。朋友已經忟忟地，可能?! 反轉個麵，數來數去都係得兩
日式煎餃子 $45：餃子為豬肉豆腐餡，煎得唔算香脆，質素一般。
日式煎餃子
10 views
0 likes
0 comments
醬油拉麵 (標準) $98：招牌拉麵之一，有松露香味但唔算濃郁，湯底清澈，叉燒得薄薄一片，肥瘦適中，惟標準份量都算少。
醬油拉麵 (標準)
20 views
0 likes
0 comments
照燒雞辛味味玉拉麵 (標準) $131：麵份量少，照燒雞還可以，湯底帶微辛但唔算十分辣，反而味玉 (滷溏心蛋) 既流心效果不錯。
照燒雞辛味味玉拉麵 (標準)
17 views
0 likes
0 comments
期間有段小插曲，話說友人碗拉麵貴啲比較多料，理應有四片照燒雞﹑味玉同其他配料，但拉麵上枱時無味玉不特只，仲只得兩片碎雞肉，好明顯上錯食物。所以即時向店鋪有位身型瘦削專做落單/傳菜既大嬸侍應查詢，大嬸侍應拎住我地既點菜單望住黎對，佢重覆讀個名幾次“照燒雞辛味味玉拉麵”，然後講話 “岩啊, 無問題, 係呢個拉麵”，我地話無隻蛋喎？之後佢先好似突然醒覺發現問題，但居然帶住懷疑既眼光問我地有無食到？拉麵上枱已經即時查詢，何來食左？朋友已經開始不爽。第二，同大嬸侍應講：除左隻蛋，碗拉麵應該有四片雞，但而家得兩片係咪應該比少左呢？大嬸侍應答“可能個麵底有呢”。朋友已經忟忟地，可能?! 反轉個麵，數來數去都係得兩片碎濕濕既雞肉，Bar枱師傳聽到我地呢邊對話都覺得唔對路，已經開聲主動話補返隻蛋同雞肉比我地，但個大嬸侍應居然又帶住質疑既眼光補充一句：你地無食到丫嘛？我同朋友真係火都黎…堅燥底！你地比錯食物，我地禮貌向你查詢，但錯左連句最基本既對唔住/ 唔好意思/ 些少認錯都無，咁既服務態度同應對方法真係何其差！！！
總括黎講，呢間拉麵店屬貴價又量少，質素普通，並無令我地有驚嘆既感覺，米芝蓮既標準實在唔識欣賞。再者，發生左呢段小插曲，店舖再出名，但就係有位豬隊友累事！作為客人既我地已經無要求咩待客至上﹑專業既服務質素，不過呢位大嬸侍應連普通茶記侍應既服務態度同質素都比唔上，食完都一肚氣啊！！！
Post
