磅太太 (Closed)

朋友去完旅行返黎，佢比手信我，順便出黎食餐飯。睇個地方以為主要做酒吧，點知食物質素又幾好喎😳-Spiced vegetable hummus($32)係辣菜串，其實食落唔辣，但係好惹味，燒得好香👍🏻一串有青瓜、黃瓜、翠玉瓜、菇、南瓜🎃外層燒得香，但食落仲好多汁！-Ma-La fried wings($88)炸雞翼炸到勁脆！好正，最鍾意食香口野，質地似脆香雞翼，但脆好多，大隻好多🤤落左啲咖哩粉、洋蔥粉，重口味啲，仲有炸洋蔥乾添。-Laksa prawn dumplings($138)呢個真係超正！個喇沙湯味道好好，辣辣地又重椰香味👍🏻入面有鮮蝦雲吞，正正常常啦。跟蒜茸包，烘得過火左，不過用黎點喇沙湯一流！仲有好多豆卜，索哂啲湯，好正呀😋-Halo Halo($78)最後甜品，原來halo halo係mix together咁解✍🏻其實食落係類似珍多冰，佢仲有啲脆脆、焦糖醬、柑雪芭、西米，全部撈埋一齊食，口感幾豐富。