焱丸水產

冇假期去日本，就唯有喺香港食日本嘢。今日想食嘅係燒海鮮。之前都有聽朋友提過呢一間，所以今次就一於試吓啦。今日揀咗燒鮑魚，甲羅燒，同埋帶子、帆立貝鮑魚上到嚟嗰陣真係好大隻，而且仲郁嚟郁去，未燒就已經見到佢好有厚度。帆立貝係加咗蟹膏一齊燒，未食都已經想像到好惹味另外我哋仲叫咗一盤壽司，同埋兩杯嘢飲。就咁睇兩杯嘢飲好似冇分別，但係其實一個係梳打一個係酒。上到嚟就覺得好彩叫嘅時候揀咗兩杯都係菠蘿，如果唔係見到另一個有支咁大條嘅菠蘿，但自己冇，都幾傷心🤣話咁快店員就已經幫我哋燒完咗啲海鮮，一路燒一路啲香味就喘晒出嚟。鮑魚燒完之後唔單止有燒海鮮獨特嘅香味，而且個時間掌握得非常之好，外面稍為有種焦香，但裏面仲係好Juicy。扇貝嘅味道好鮮。壽司上嚟嗰陣成盤嘅感覺都好豐富，唔同嘅壽司我哋每樣都叫咗少少，全部魚生都色澤亮麗，幾抵食左口魚刺身一碟排開，醬汁係特別調味過，配搭起上嚟幾清新