坂奈 (Closed)

磽燒魚最滋味！嚟到銅鑼灣有朋友介紹「坂奈」嘅日式磯燒同烤魚好正，所以專誠嚟試一試。首先叫咗杯「柚子檸檬酒$48」一杯，超級冰凍，入口即帶出酸澀澀嘅感覺，而且柚子味道濃郁，酒精成份唔算高，都容易入口，我諗都幾適合女士們！跟住叫咗個「日本BB喜之次,」喺套餐嚟嘅！有一碗珍珠飯、前菜同味憎湯。廚師會喺客人面前將原條魚烤好，客人可以見到烹調過程，魚嘅賣相相當吸引。魚嘅外皮非常爽脆，入口時絕不帶有魚腥味，而且唔算多骨，如果再加啲檸檬汁，魚肉味道更酸甜，非常醒胃，一向唔鐘意食魚嘅我，都突然喜歡，鐘意食魚嘅朋友，真喺唔好錯過呀！呢間餐廳嘅「味憎湯」真喺好特別，好好飲，好少味憎湯裡面啲配料咁豐富，裡面有日式豆腐、菜、蜆肉、茹等。除咗味道清雅，配料亦好多。小食方面，就叫咗個「日式板上魚蛋」，望落真係有驚喜，估唔到呢啲就係魚蛋，味道都非常彈牙，好好食呀！