Video
Read full review
2024-05-05
120 views
餐廳：永共嚐 (尖沙咀)地址：尖沙咀赫德道2號地舖尖沙咀同上環兩間Bar Pacific同社會責任企業——永共嚐合作，喺日間比佢哋以社企Cafe形式經營，以永續、共享同共嚐嘅理念營運，希望喺提倡環保嘅同時♻️，可以幫到社會上有需要人士❤️永共嚐致力培訓同幫年輕咖啡師創業，另外回收咖啡渣，一部份去循環再造成咖啡杯同餐具等🍴，食客消費滿 3 次就可以換到一隻35%咖啡渣隨行杯😍；另一部份咖啡渣透過社企旗下嘅培訓計劃，去培訓一啲病患照顧者、低收入家庭主婦整手工藝品再拎去賣，扣除成本後就成為佢哋嘅收入👍我今次就去咗尖沙咀嘅分店，餐廳嘅裝修的確有別於一般嘅Bar Pacific，佢哋以「木漾邂逅」為主題去佈置，唔同嘅植物裝飾彷彿形成一個園藝小角落，仲有一幅可以俾人留低回憶/心事嘅小牆🔖，令每一個人嘅心聲都可以成為餐廳嘅一部份佢哋最近推出咗一個DINE WITH ME TOGETHER SET($288)，當中包括兩份意大利飯/意粉主食、一份小食拼盤/沙律🥗，另外仲有兩杯飲品☕️，呢個價錢有咁多嘢食真喺好難喺出面搵到。適逢慶祝生日🎂，永共嚐仲好好咁幫我將小食轉咗做甜品，值得加分😎✝️黑松露忌廉雜菌魷魚墨魚
地址：尖沙咀赫德道2號地舖
尖沙咀同上環兩間Bar Pacific同社會責任企業——永共嚐合作，喺日間比佢哋以社企Cafe形式經營，以永續、共享同共嚐嘅理念營運，希望喺提倡環保嘅同時♻️，可以幫到社會上有需要人士❤️
永共嚐致力培訓同幫年輕咖啡師創業，另外回收咖啡渣，一部份去循環再造成咖啡杯同餐具等🍴，食客消費滿 3 次就可以換到一隻35%咖啡渣隨行杯😍；另一部份咖啡渣透過社企旗下嘅培訓計劃，去培訓一啲病患照顧者、低收入家庭主婦整手工藝品再拎去賣，扣除成本後就成為佢哋嘅收入👍
我今次就去咗尖沙咀嘅分店，餐廳嘅裝修的確有別於一般嘅Bar Pacific，佢哋以「木漾邂逅」為主題去佈置，唔同嘅植物裝飾彷彿形成一個園藝小角落，
仲有一幅可以俾人留低回憶/心事嘅小牆🔖，令每一個人嘅心聲都可以成為餐廳嘅一部份佢哋最近推出咗一個DINE WITH ME TOGETHER SET($288)，當中包括兩份意大利飯/意粉主食、一份小食拼盤/沙律🥗，另外仲有兩杯飲品☕️，呢個價錢有咁多嘢食真喺好難喺出面搵到。適逢慶祝生日🎂，永共嚐仲好好咁幫我將小食轉咗做甜品，值得加分😎
✝️黑松露忌廉雜菌魷魚墨魚咀意大利粉
除咗有鮮香爽韌嘅魷魚同墨魚咀🦑，面頭仲放咗一小球黑松露醬，
撈埋本身用忌廉同雜菌煮好嘅意大利粉，食落無我想像中咁滯，而且份量都幾多👍
✝️醬香南瓜帶子蟹肉意大利粉
用南瓜蓉加忌廉整成醬汁，加入蟹肉碎同迷你帶子，
另外仲有車厘茄同三色椒增加意粉嘅顏色，味道相對較為清淡唔膩，若隱若現嘅鮮味又幾有驚喜🤩
✝️朱古力心太軟伴雲呢拿雪糕
即製嘅心太軟入口嗰陣仲喺熱辣辣🔥，切開鬆軟嘅外層就見到朱古力醬輕輕流出，配埋香濃嘅雲呢拿雪糕一齊食🍨，
形成冷熱對比嘅口感層次，職員仲即場畫上「Happy Birthday」同用咖啡豆朱古力去裝飾，相當有心🥰
特別一提Cafe所提供嘅咖啡都喺用永共嚐自家烘焙嘅咖啡豆☕️，飲落醇香濃郁，最重要喺佢哋有一部咖啡打印機，
只要食客上傳一張相，就可以打印落杯咖啡到，幫食客製造一杯獨一無二嘅咖啡，雖然當日整咗三次先成功，但確實留低咗一個相當唔錯嘅回憶🥳
Post
