Video
Read full review
2009-10-08
19 views
SEP 23, 2009 (WED) LUNCH $435之前見到食評D相&食評都幾好，於是訂位試一試！訂咗位差D遲到無得食，行行行快兩步先趕得到！入到去見到個無敵海景好靚，環境一流！感覺好舒服！一坐低有個waiter 就嚟介紹今日嘅餐湯& homemake 嘅餐飲，唔知係咪佢太溫柔喔，重覆3次都真的無辦法聽得到，算了吧！經過細心研究餐牌後，order 咗呢兩款 Set Lunch，仲問咗另一位 waiter 究竟餐湯&餐飲係咩東東嚟！SET LUNCH蘭杜豆湯 ~ 豆味重，味道蠻不錯喔！不過好似食緊碗粥咁！成碗都係豆，無咩湯飲好杰hehe！黑白德國飽 ~ 外皮脆內唔軟，像是德國飽品種硬硬的，嚼勁十足，味道不錯，配的牛油味頗濃香！未食完飽就上main course ，仲收咗個碟，大家都要拎住塊包唔可以放低，waiter就放低碟主菜食得頗急！可能要趕住時間做多一轉喇！西柚烏龍茶 ~ 係今日homemake 嘅餐飲！好苦澀！但我都覺得味道OK喎！幾清新！Main Course黑鰽魚 ~ 薯蓉、刀豆、sauce & 黑鰽魚先講講D配菜先，薯蓉份量頗多，但唔夠滑，上面加上一些香草點綴，香草味頗
之前見到食評D相&食評都幾好，於是訂位試一試！
訂咗位差D遲到無得食，行行行快兩步先趕得到！
入到去見到個無敵海景好靚，環境一流！感覺好舒服！
一坐低有個waiter 就嚟介紹今日嘅餐湯& homemake 嘅餐飲，唔知係咪佢太溫柔喔，重覆3次都真的無辦法聽得到，算了吧！
經過細心研究餐牌後，order 咗呢兩款 Set Lunch，仲問咗另一位 waiter 究竟餐湯&餐飲係咩東東嚟！
SET LUNCH
蘭杜豆湯 ~ 豆味重，味道蠻不錯喔！不過好似食緊碗粥咁！成碗都係豆，無咩湯飲好杰hehe！
黑白德國飽 ~ 外皮脆內唔軟，像是德國飽品種硬硬的，嚼勁十足，味道不錯，配的牛油味頗濃香！
未食完飽就上main course ，仲收咗個碟，大家都要拎住塊包唔可以放低，waiter就放低碟主菜食得頗急！可能要趕住時間做多一轉喇！
西柚烏龍茶 ~ 係今日homemake 嘅餐飲！好苦澀！但我都覺得味道OK喎！幾清新！
Main Course
黑鰽魚 ~ 薯蓉、刀豆、sauce & 黑鰽魚
先講講D配菜先，薯蓉份量頗多，但唔夠滑，上面加上一些香草點綴，香草味頗香！刀豆新鮮！
黑鰽魚好滑，魚肉味鮮，好出色！但Sauce 不太啱口味！味頗怪！
Main Course
Ribeye ~ 好可惜地選了一個唔應該選嘅主菜，我係order medium ，但嚟到無9成半都有9成熟，一咬都已經有燶味，唔想再評論，極差！
伴碟有鼠尾草一小片脆脆的，煎燶咗嘅【南瓜、露筍、車厘茄】好失色、幼薯條&薯角好脆卜卜、薯條上有些像是蒜，像是蔥也像是筍的物體，味極濃怪怪的，但唔難食，亦唔會覺得好食，經詢問之下，waiter講咗個唔知咩英文，因為大家都唔太懂，於是想問一下中文係咩東東嚟，點知個服務生話：你要知中文要幫你問，但一路見佢沒意識去做，等咗一陣都係走人！
請佢要明白一點，佢識讀個英文唔代表佢真係知係咩，可能就係佢跟本唔知讀錯咗，所以大家都唔知佢講咩！
基本上成碟都overdone！
美心集團一向服務唔太差，但出奇地發覺員工啲制服真的好皺好皺，真係唔該熨一熨先開工可以嗎？真的好礙眼呀！
仲有一件好奇怪的對話：就係個經理同個鬼佬鬼婆講中文好奇怪，因為個外國人好明顯唔知佢講咩，咁點解佢會咁呢？唔通佢唔記得轉麗音！hehe！
離開時見到好多人在門外買外賣，賣相不錯，款式多，麵包好抵食，$14有一件舖滿好多士多啤梨嘅批，好抵！
服務方面：除咗制服好皺，表達能力有問題嗰一位WAITER之外，整體都OK！
食物方面：除咗其中一個失手Main Course嘅Ribeye，整體都頗出色！
Post
