神山麺屋 (新聲大廈) (Closed)

神山麵屋-非一般拉麵 當一個人太耐無去旅行，就會想尋找當地既味道同感覺，第一次去神山麵屋，無論擺設定裝飾都有一種淡淡既日本味道，讓我來一趟口感旅行。 🐻 神豚燒叉燒沾汁麵 $88 神山麵屋以沾汁麵馳名，湯頭以大量豚肉，混合上乘豚肉，多種日本魚介和日本秘製醬油調味，再以慢火熬製超過8小時，沾汁唔會好鹹，但幾creamy，再配搭神山獨有既坑紋麵，麵條彈口之餘亦更掛汁，而豚肉經高溫燒至外面微微焦香，入口味濃，略嫌有少少鞋口。 🐻 白神山叉燒拉麵 $78 兩塊厚厚既叉燒放係碗邊，湯底濃而不油，麵條軟硬適中，最岩呷一口湯再大口食一啖拉麵。而我最愛既糖心雞蛋更係表現出色，黃澄澄既流心蛋黃，睇見到令人心動。🐻 蒜香魷魚鬚 $42 魷魚鬚加上蒜蓉同燒汁一齊炒，超級惹味，最岩下酒時食。 🐻 神山炸雞 $42 炸雞外脆內滑，咬落仲有大量肉汁超juicy，再加上芥末醬令炸雞更滋味。 🐻 蘋果汁 $22 十級推薦，蘋果汁味道濃郁，每飲一啖就好似咬左一口蘋果。