Video
Read full review
2020-04-14
1978 views
今餐我請客，附近沒什麼較高檔食肆，唯一加太賀日菜較得體。點解餐牌全部都係定食或套餐既？我想要本正常餐牌，個服務員反應似乎好出奇，雖然我著得非常樸素，我有錢埋單既。零晨兩點訓著，突然三點半紮醒，第七感燃燒！七點訓著八點起身，眼腫腫仲眼訓到頭痛，突然想食熱辣辣既飯暖暖胃，晏晝無煲仔飯黎個石頭鍋飯啦！我話要光猛既區域，肥妹話最光猛張檯喇，信您照入座。九州？挑起我條痛筋，好想去九州！現場完全感受不到一丁點日本九州，大陸神州味道就非常濃烈。光就夠光，但頂手頂腳。而且後面條友條要坐到出一出，連想拉凳攝入去都唔得！即時有想走既念頭，是但坐過一格照落單。何解全場侍應連傳菜大嬸都用州語溝通？已壟斷全香港飲食界職位？還是我夢遊返回大陸？本來相約美女共膳，誰知發短訊惹來誤會，我其實話約點半鐘的，但美女到達已經兩點喇！而且唔食刺身及魚生，早講我就唔會揀日本菜啦，激死我！菜色次序上到亂糟糟，都幾 free style 架喎。我重新排過次序由生到熟由淡到濃，油甘魚刺身、活赤貝刺身、牛油果軟殼蟹加州反卷、昆布湯煮馬刀貝、鱈魚扒西京燒、錦繡串燒併盤多春魚、鴨舌、雞腎、免治雞肉、雞軟骨、帆立貝、牛丸、墨鮮丸、豬肉軟、牛
零晨兩點訓著，突然三點半紮醒，第七感燃燒！七點訓著八點起身，眼腫腫仲眼訓到頭痛，突然想食熱辣辣既飯暖暖胃，晏晝無煲仔飯黎個石頭鍋飯啦！我話要光猛既區域，肥妹話最光猛張檯喇，信您照入座。
九州？挑起我條痛筋，好想去九州！現場完全感受不到一丁點日本九州，大陸神州味道就非常濃烈。光就夠光，但頂手頂腳。而且後面條友條要坐到出一出，連想拉凳攝入去都唔得！即時有想走既念頭，是但坐過一格照落單。
何解全場侍應連傳菜大嬸都用州語溝通？已壟斷全香港飲食界職位？還是我夢遊返回大陸？本來相約美女共膳，誰知發短訊惹來誤會，我其實話約點半鐘的，但美女到達已經兩點喇！而且唔食刺身及魚生，早講我就唔會揀日本菜啦，激死我！
菜色次序上到亂糟糟，都幾 free style 架喎。我重新排過次序由生到熟由淡到濃，油甘魚刺身、活赤貝刺身、牛油果軟殼蟹加州反卷、昆布湯煮馬刀貝、鱈魚扒西京燒、錦繡串燒併盤多春魚、鴨舌、雞腎、免治雞肉、雞軟骨、帆立貝、牛丸、墨鮮丸、豬肉軟、牛柳。
和風豚肉餃雞翼燒，即係餃子釀雞中翼，賣相似足係滷水雞翼。雖夠晒熱騰騰，但沒有一絲燒的感覺，微波爐味濃而強烈，用湯浸熱或油炸翻熱既效果會更好。豬肉碎餡已叮到乾晒，整體味道只係普通豉油雞翼一試無妨，點解要落蔥花呢？好有大排檔風格。穴子壽司，外形似鰻魚既穴子放到乾晒，乾乾鞋口，完全唔嫩滑唔鬆軟唔多汁，失望不吃也吧！壽司飯依然淡而無味，黐黏濕爛，漿住我的嘴！
鹽燒花鮫魚，花鮫？鯖花魚、秋刀、三文魚、油甘魚就食得多，但鮫花魚首次遇到，好奇叫黎試試啦！由質感、外觀到味道都跟鯖花魚一模一樣。魚味濃、肉汁濕潤甜美、外皮燒得香脆，餐牌打錯字嗎？
蟹膏蟹柳軍艦、海膽軍艦，同事們都唔食？讓我處理吧。三文魚腩壽司、油甘魚腩壽司，兩款我完全食唔出亦睇唔出係魚腩，瘦猛猛有無落錯單架？帶子壽司、北寄貝壽司、赤貝壽司，淡茂茂鮮甜味欠奉。
螢光活魷魚仔，入晒雪喎師傅！好采不太多，似有層薄薄砂冰。瘦瘦的薄薄魷魚肉，幸好夠爽脆夠爆汁，咸鮮無敵。首次遇上粗粗的青瓜絲，應該叫青瓜條而且有點乾。特大牡丹蝦刺身，細細條感覺不到如何特大，只有我手指尾大小的蝦毛。味鮮帶爽，蝦甜味清新。
雜錦魚生拼盤松，牡丹蝦爽滑黏新鮮度爆燈還有豐富甘甜蝦膏呢。三文魚淡淡然的魚甜綿綿。吞拿魚赤身結實清香也不錯。油甘魚脂肪激甜滑嘟嘟。八爪魚先爽後嚥韌陣陣咸香。墨魚脆脆黏黏天然墨魚甜味。帶子滑滑軟軟充滿甜味，赤貝淡淡的。赤成山海螺，螺甜味濃烈嚥嚥韌韌。三文魚子咸咸脆卜卜，蟹子索索聲不停爆。
蒜香魚翅海膽炒飯，師傅從廚房走出來親手送上，我真係受寵若驚！是否想查看一下什麼麻煩食客在午市黃金繁忙時段又點炒飯又點刺身呢？腥海膽味道強烈嗆喉太利害啊！唯有扒多兩啖飯。素翅爽爽沒有味道，炒飯乾身不濕爛，香口好功夫，何解有飯焦？刺身搭炒飯堅好味道，食唔停口！
大吞拿魚腩壽司，豬肉色的大拖羅，唔能係掛？真係似梅頭豬肉鬆軟腍劈劈的質感，淡茂茂肥美不足魚脂貧脊。油甘魚壽司，薄薄瘦猛猛的魚生乾乾的，沒怎樣的味道加多兩滴豉油吧！壽司飯都幾難食架喎，濕爛黏無味道，硬食三舊受不了，其餘剩低全部棄置，善哉善哉。
海膽軍艦，我只點 1 客，何解有 4 件呢？海膽腥氣勃勃，飯粒水氣重，紫菜迅間變腍不脆變得韌韌的，硬食 4 件救命！日本和牛壽司，嬸嬸稱係鹿兒島和牛，凍冰冰滲著血水，腍劈劈牛味極清淡，乳味較濃。
京都照燒牛肋骨，其實真係燒得不錯，師傅好功夫！外層充滿燒烤香氣，慢慢嘴嚼味甜可口，內部嫩紅滑滑，但流晒血啊！師傅有否攤下先切架？燒汁太杰太甜太濃，配蜜糖芥茉應該更美味百倍。悶悶地試用紫蘇葉及生菜夾肉食，主意不錯！味道變得豐富，生息不少活起來！七味燒魚嘴，完全估計錯誤，還以為會提供啖啖厚肉的魚三角魚下巴，原來只是普通的魚雲罷了！幾乎沒有肉，脆卜卜焦香乾爭爭。
豬骨湯叉燒拉麵，幼幼即食拉麵如米線，質素強差人意嚇死朕咩！出前一丁拉麵都好食百倍。鞋靯原味叉燒，水汪汪的湯汁清徹見底。日式魚片充滿雪藏味道，蜜糖豆及粟米粒爽甜鮮味最好食。鹿兒島黑豚肉鍋，湯底淡得出奇，我寧願您用豬骨濃湯寶。單調乏味，金菇豚肉冬菇娃娃菜淋上青葵豉油才進食，感覺好多了。
海膽皇刺身，四州紫菜？為了保持極度乾燥所以不開封直接上檯嗎？特大加拿大種都有少少腥味，讓紫菜捲起再夾著青瓜絲免強可以掩飾一點點。口感一流涼浸浸，脆脆爽爽濕濕綿綿。
間八魚刺身半份，估不到的優質白肉，結實有咬口又不失嫩魚脂極甜美。原條燒鰻魚，細條薄薄的，如果更大條更厚身更肥美就更開心！輕輕的醬油塗在面，焦香的皮，鬆軟的肉，師傅烤功有料到。
九州岩蠔貝石頭飯，啫啫聲端上，已經聞得到飯焦氣味。有木魚絲有岩蠔有車蠔有瓜粒，極多飯焦到不尋常，是否加入米通呢？溫柔地撈得完全均勻才享用，熱辣辣的炒飯特別可口，落味很濃加上木魚絲已蓋過石蠔車蠔，有著脆卜卜的口感。將鬆軟濕潤的鰻魚大大啖跟石頭飯齊吃，更美味絕倫給您 3 粒星！
炭燒針魚乾，燒針魚正呀？完來係燒魚乾。雖然係我睇餐牌時睇漏隻乾字，但師傅我問您嗰陣係問有無燒針魚，唔係問針魚乾架喎。韌韌的質地，甜甜的味道，跟雞泡魚乾差不多，外觀及味道比雞泡魚乾更似魚。食完渴足四小時飲兩支水，最有可疑應該係炒飯含特效味精。無理由刺身，有少少機會係針魚乾，加工食品。
活赤貝刺身，大大隻殼但貝肉奀滋滋得幾條絲，完全唔夠喉。放條幼絲入口試唔真，感受到嫩滑微爽頂級鮮甜。油甘魚刺身，越紅越油潤越多魚脂，新鮮無限！嫩滑濕濕立立令，鮮甜到想大叫無得頂！
鈴鹿軟蟹反卷，壽司飯保持劣質濕爛無醋香，不過同伴們表現出眾，挽回不少分數。紫菜搭三文魚子咸鮮添味，牛油果雖沒什麼味道但給了點芬芳及黏滑質感，軟殼蟹鬆化甘甜趙到索索聲，配搭吸引都食得過。
昆布煮馬刀貝，烹製時間拿捏準確，頂上肥美彈牙貝肉！滑滑噴汁鮮甜到極，靚海鮮簡單煮理已可口無比，清爽昆布湯底選得非常獨到，點綴一下不會喧賓奪主。銀鱈魚西京燒，灑上鮮檸汁平行一下甜甜照燒汁就可以享用。極度油潤，魚脂魚汁均澎湃立立令，肉甜滑滑皮香黏黏。
雜錦串燒併盤，多春魚有點甘苦味道隱約少少醒免強可以。鴨舌瘦猛猛乾爭爭不肥美彈滑那會好食。雞腎全熟無汁微弱的爽有點韌。免治雞肉雖鞋烚烚，不過混著軟骨碎，脆卜卜咬得過隱有著鳳脂甜。雞軟骨爽脆甘甜油潤不乾身。帆立貝沒有味道的雪藏貨鬆軟的。牛柳全熟仍有少許肉汁醃味偏淡。牛丸、墨魚丸、豬肉丸平價雜丸無眼睇，路邊小食入得口。
鵝肝牛柳石頭飯，飯焦誇張地多，脆卜卜黐晒牙！鵝肝瘦瘦不夠肥美綿滑，似鴨肝多過鵝肝。全熟牛柳外脆內彈，嚼勁十足牛味濃。厚厚鵝肝厚厚牛柳躺在熱騰騰膽飽上，真係要張口擘到最大才可塞入，各味融會結合食得過。
和風豚肉餃雞翼燒
16 views
0 likes
0 comments
穴子壽司
11 views
0 likes
0 comments
鹽燒花鮫魚
29 views
0 likes
0 comments
蟹膏蟹柳軍艦、海膽軍艦、三文魚腩壽司、油甘魚腩壽司、帶子壽司、北寄貝壽司、赤貝壽司
30 views
0 likes
0 comments
螢光活魷魚仔
10 views
0 likes
0 comments
蒜香魚翅海膽炒飯
11 views
0 likes
0 comments
大吞拿魚腩壽司、油甘魚壽司
19 views
0 likes
0 comments
海膽軍艦
11 views
0 likes
0 comments
日本和牛壽司
14 views
0 likes
0 comments
京都照燒牛肋骨
9 views
0 likes
0 comments
七味燒魚嘴
6 views
0 likes
0 comments
豬骨湯叉燒拉麵
15 views
0 likes
0 comments
海膽皇刺身
9 views
0 likes
0 comments
間八魚刺身半份
33 views
0 likes
0 comments
原條燒鰻魚
31 views
0 likes
0 comments
九州岩蠔貝石頭飯
22 views
0 likes
0 comments
九州岩蠔貝石頭飯
7 views
0 likes
0 comments
燒鰻魚伴九州岩蠔貝石頭飯
9 views
0 likes
0 comments
炭燒針魚乾
7 views
0 likes
0 comments
活赤貝刺身
13 views
0 likes
0 comments
油甘魚刺身
14 views
0 likes
0 comments
鈴鹿軟蟹反卷
6 views
0 likes
0 comments
昆布煮馬刀貝
63 views
0 likes
0 comments
銀鱈魚西京燒
10 views
0 likes
0 comments
雜錦串燒併盤：多春魚、鴨舌、雞腎、免治雞肉、雞軟骨、帆立貝、牛柳、牛丸、墨魚丸、豬肉丸
19 views
0 likes
0 comments
特大牡丹蝦刺身
16 views
0 likes
0 comments
鵝肝牛柳石頭飯
13 views
0 likes
0 comments
鵝肝牛柳石頭飯
16 views
0 likes
0 comments
鹿兒島黑豚肉鍋
17 views
0 likes
0 comments
鹿兒島黑豚肉鍋
11 views
0 likes
0 comments
Post
