Video
Read full review
2019-06-05
187 views
星期六日同朋友飲返幾杯, 就揀咗偏向香港中心嘅尖沙咀, 位於食街厚福街嘅Helen's。 酒吧環境非常舒適, 走泰國嘅風格, 輕快嘅音樂配上橙黃嘅燈光, 令人非常放鬆。睇返個menu, 唔單止有啤酒、烈酒、classic cocktail, 仲有Helen's自家製嘅特色cocktail。 大食妹係個whiskey嘅愛好者, 所以嗌咗一杯主要成份為whiskey嘅cocktail - Yesterday。<Yesterday$68> (好飲: 4.2/5) (抵飲: 4.2/5)店員攞住一壺冒煙嘅cocktail, 倒入注滿冰塊嘅玻璃杯裏面。 出到嚟嘅cocktail, 如煙如霧、非常神秘, 聞落去有少少橡木香, 飲落去冰冰涼涼, 非常順口。如果你仔細啲飲, 仲會飲到有少少橘子嘅味道。 睇返個menu, Yesterday嘅意境係感嘆往事如煙, 係－杯有故事嘅酒。朋友唔係好飲得, 就揀咗杯強度比較低, 但又係Helen's招牌嘅cocktail - Helen's Tea。<Helen's Tea$68> (好飲: 4.5/5) (抵飲:4.2/5)相
睇返個menu, 唔單止有啤酒、烈酒、classic cocktail, 仲有Helen's自家製嘅特色cocktail。 大食妹係個whiskey嘅愛好者, 所以嗌咗一杯主要成份為whiskey嘅cocktail - Yesterday。
<Yesterday$68> (好飲: 4.2/5) (抵飲: 4.2/5)店員攞住一壺冒煙嘅cocktail, 倒入注滿冰塊嘅玻璃杯裏面。 出到嚟嘅cocktail, 如煙如霧、非常神秘, 聞落去有少少橡木香, 飲落去冰冰涼涼, 非常順口。如果你仔細啲飲, 仲會飲到有少少橘子嘅味道。 睇返個menu, Yesterday嘅意境係感嘆往事如煙, 係－杯有故事嘅酒。
朋友唔係好飲得, 就揀咗杯強度比較低, 但又係Helen's招牌嘅cocktail - Helen's Tea。
<Helen's Tea$68> (好飲: 4.5/5) (抵飲:4.2/5)相比起Yesterday, Helen's Tea嘅味道更加濃烈, 果味偏重。 酸酸甜甜, 非常特別。推薦酒量比較差嘅朋友試下。
去酒吧除咗飲酒, 當然要食返啲小食, 一路食一路飲至開心㗎嘛~ 大食妹同朋友就嗌咗三款小食過下口癮。
< 炸魚薯條$68> (好味: 4.2/5) (抵食: 4.2/5)炸魚薯條係新鮮炸出嚟嘅, 熱辣辣、 脆卜卜, 邊食邊飲酒, 一流
<串燒(豬、牛、雞)$48> (好味: 3.8/5) (抵食: 4.5/5)串燒味道雖然比較standard, 但係48蚊有成6串, 仲有齊豬、牛、雞, 滿足你三個願望, 真係好抵食
<涼拌青瓜$48> (好味: 4/5) (抵食: 4/5)食完啲油膩嘢同埋燒烤, 當然要食返啲比較清爽嘅蔬果。最後我哋就揀咗一份涼拌青瓜, 涼拌青瓜蒜蓉味非常重, 有少少辣辣地, 非常開胃。
另外, 如果多人一齊嚟, 仲可以玩埋骰盅, 真係一個weekend嘅好去處。
Post
