Video
Read full review
2022-09-16
5124 views
今日老婆在數碼港完成了一場非常重要的演講，我事先已經响OpenRice book定枱同佢慶功，慰勞吓佢幾星期以來日以繼夜的持續特訓。既然過左海，我就揀咗呢間位於海洋公園Marriott旁邊的扒房Prohibition。我地大約一點半鐘到步就立刻獲安排入座，呢度的私隱度極高，非常適合喜歡寧靜嘅我。正當我仲陶醉响呢個優美環境之際，一位高大靚仔嘅Waiter哥哥一嚟就問我吔要唔要Sparkling Wine?哈哈，乜呢度唔咪禁酒(Prohibition)架咩?由於要做個負責任嘅司機，我都係決定留返下次先飲。呢度嘅Set Lunch有主菜+自助沙律+甜品，唔夠仲可以加餐湯同餐飲添。Main Course有8種選擇，為左試吓呢度牛扒嘅水準，我決定一次過試曬Flat Iron同埋西冷。Spanish Flat Iron Steak呢塊西班牙牛板腱真係重中之重，厚度決定咗一塊牛扒的高度，呢塊成串厚的牛扒係佢致勝關鍵，加上㕑司恰度好處的火候，不用任何調味都已經很好味，絕對值得推介。唔好睇佢外表成舊朱古力咁，切開真係岩岩好五成熟，肉汁豐富，沒有辜負呢塊咁高汁的牛扒。西冷牛扒至於呢塊來自澳洲的西冷牛扒完全
正當我仲陶醉响呢個優美環境之際，一位高大靚仔嘅Waiter哥哥一嚟就問我吔要唔要Sparkling Wine?哈哈，乜呢度唔咪禁酒(Prohibition)架咩?由於要做個負責任嘅司機，我都係決定留返下次先飲。
呢度嘅Set Lunch有主菜+自助沙律+甜品，唔夠仲可以加餐湯同餐飲添。Main Course有8種選擇，為左試吓呢度牛扒嘅水準，我決定一次過試曬Flat Iron同埋西冷。
Spanish Flat Iron Steak
Spanish Flat Iron Steak
113 views
1 likes
0 comments
呢塊西班牙牛板腱真係重中之重，厚度決定咗一塊牛扒的高度，呢塊成串厚的牛扒係佢致勝關鍵，加上㕑司恰度好處的火候，不用任何調味都已經很好味，絕對值得推介。
Flat Iron Steak
91 views
1 likes
0 comments
唔好睇佢外表成舊朱古力咁，切開真係岩岩好五成熟，肉汁豐富，沒有辜負呢塊咁高汁的牛扒。
西冷牛扒
澳洲西冷牛扒
79 views
1 likes
0 comments
至於呢塊來自澳洲的西冷牛扒完全係正常發揮，只係珠玉在前而略顯平凡，實在係非戰之罪。建議大家可以試吓黑毛豬又或者三文魚扒，話唔定會有驚喜。
自助沙律
自助沙律(一）
50 views
2 likes
0 comments
自助沙律（二）
53 views
1 likes
0 comments
順帶一提係呢度嘅自助沙律有很多選擇，而且質素也相當高！我隨便砌了兩碟沙律都有個共通點，答案就係：烤雞胸！因為佢真係非常嫩滑，令我忍唔住要Encore!
飯後甜品係一個落左少少酒的Mousse配脆脆，幾清新。最遺憾係個肚已經冇空間試埋佢地嘅火焰雪山，唯有等下一次啦！
Post
