Video
Read full review
2022-01-18
1052 views
聽到公佈話禁晚市堂食，趁住仲有三晚，盡情搵一啲想去而又未去試嘅餐廳。餐廳附近有一個空地可以泊車。店入邊嘅姐姐好好人，知道我將車泊咗喺街，就叫我泊去空地唔使俾人抄牌。餐廳嘅選擇好多，除咗小炒之外，仲有燒味，同埋海鮮。蒜蓉粉絲蒸扇貝好大隻，亦都唔會話太多油，好味。砂薑豬手就略嫌唔夠淋，有部份有啲豬毛。呢個菠蘿咕嚕肉似乎係招牌菜，見到每一枱都有食，佢個咕嚕肉真係整得好鬆化。呢碟例牌叉燒，真係估佢唔到，有成條叉燒咁多。唔單只係份量大，重點係好好味，半肥瘦，兩邊尖位燶得剛好，中間夠淋，好得。呢個淮山豬肚雞煲，太飽了，要帶走。兩個人食咗咁多樣嘢， $570，其實三個人都夠食。總結：呢間有下次，其實寫緊呢篇食評嘅時候已經去咗第二次，食午市。
餐廳附近有一個空地可以泊車。店入邊嘅姐姐好好人，知道我將車泊咗喺街，就叫我泊去空地唔使俾人抄牌。
餐廳嘅選擇好多，除咗小炒之外，仲有燒味，同埋海鮮。
蒜蓉粉絲蒸扇貝好大隻，亦都唔會話太多油，好味。
砂薑豬手就略嫌唔夠淋，有部份有啲豬毛。
呢個菠蘿咕嚕肉似乎係招牌菜，見到每一枱都有食，佢個咕嚕肉真係整得好鬆化。
呢碟例牌叉燒，真係估佢唔到，有成條叉燒咁多。唔單只係份量大，重點係好好味，半肥瘦，兩邊尖位燶得剛好，中間夠淋，好得。
呢個淮山豬肚雞煲，太飽了，要帶走。
兩個人食咗咁多樣嘢， $570，其實三個人都夠食。
總結：呢間有下次，其實寫緊呢篇食評嘅時候已經去咗第二次，食午市。
Post
