Video
Read full review
2019-11-22
1144 views
上個禮拜六老婆大人見我心情唔好請咗我去Fumi 食Brunch Buffet！之前食過Sunday Brunch Buffet覺得好唔錯，今次食埋3粒鐘嘅Saturday Remix Brunch Buffet＄480一位，頭48位網上預訂仲有三送一好鬼抵食。任食自助區有我like嘅蟹子沙律、男人恩物番茄沙律、仲有雜菜沙律菜、青瓜、紅腰豆同粟米！仲配咗兩味芝麻汁同和風沙律汁。 冷盤係味付海蜇、煙鴨胸同埋烤牛肉，我就最鍾意烤牛肉喇做到半熟加埋汁料真係幾和味。禮拜六自助餐嘅任食刺身區變咗任食魚生飯檔！材料有吞拿魚蓉、吞拿魚、鯛魚、帶子、三文魚及蟹籽多樣嘅刺身粒，攞碗飯去砌碗個人化嘅魚生飯有得玩又有得食正啦。我至想有嘅原條油甘魚好彩仲有得食，一於昅實師傅幾時大開殺界先隔籬仲有任攞嘅長腳蟹，鍾意食海鮮嘅老婆大人即刻心心眼。跟住係壽司區有香辣吞拿魚卷、素菜卷同埋加洲卷！可惜我食唔到紫菜不過老婆大人對件香辣吞拿魚卷讚不絕口，肯定係質素唔差嘅！ 任食天婦羅有大蝦、粟米仔、南瓜、秋葵天婦羅我梗係勁食我like嘅大蝦天婦羅啦。仲有香噴噴嘅炸雞，燒粟米同埋燒日本青椒都好好食架！最後有必食串燒豚肉串燒和
之前食過Sunday Brunch Buffet覺得好唔錯，今次食埋3粒鐘嘅Saturday Remix Brunch Buffet＄480一位，頭48位網上預訂仲有三送一好鬼抵食。
任食自助區有我like嘅蟹子沙律、男人恩物番茄沙律、仲有雜菜沙律菜、青瓜、紅腰豆同粟米！仲配咗兩味芝麻汁同和風沙律汁。
冷盤係味付海蜇、煙鴨胸同埋烤牛肉，我就最鍾意烤牛肉喇做到半熟加埋汁料真係幾和味。
禮拜六自助餐嘅任食刺身區變咗任食魚生飯檔！材料有吞拿魚蓉、吞拿魚、鯛魚、帶子、三文魚及蟹籽多樣嘅刺身粒，攞碗飯去砌碗個人化嘅魚生飯有得玩又有得食正啦。
我至想有嘅原條油甘魚好彩仲有得食，一於昅實師傅幾時大開殺界先
隔籬仲有任攞嘅長腳蟹，鍾意食海鮮嘅老婆大人即刻心心眼。
跟住係壽司區有香辣吞拿魚卷、素菜卷同埋加洲卷！可惜我食唔到紫菜不過老婆大人對件香辣吞拿魚卷讚不絕口，肯定係質素唔差嘅！
任食天婦羅有大蝦、粟米仔、南瓜、秋葵天婦羅我梗係勁食我like嘅大蝦天婦羅啦。
仲有香噴噴嘅炸雞，燒粟米同埋燒日本青椒都好好食架！
最後有必食串燒豚肉串燒和燒手羽，唔食包你走寶呀。
幫襯嘅客人每位都有一後日本生蠔送，肥嘟嘟嘅生蠔食落好鬼鮮甜勁正斗。
嘆完生蠔後食啲前菜先，清清地食個蟹子沙律然後食老婆大人砌嘅前菜拼盤，開咗胃口繼續勁擦。
跟住食番幾隻鮮甜長腳蟹回本話咁易啦！
老婆大人砌咗碗雜錦魚生飯樣靚唔在講仲要鬼咁好味，啲魚生粒好新鮮架連埋軟熟嘅日本米粒正到呢，出面食呢碗丼飯起碼都兩舊水啦。
除咗任食項目原來仲有主菜一份，我地叫咗八點刺身拼盤入面有海膽、油甘魚、帶子、牡丹蝦、三文魚、鯛魚、吞拿魚及鱆紅魚刺身，一個字形容晒咪就係鮮囉。
另一份主菜係北海道鱈場蟹腳，比任食嘅長腳蟹更多汁更鮮甜。
食埋超吸引嘅豚肉串同令我停唔倒口嘅燒手羽，真係飽到上心口喇。
呢個時候食埋甜蜜蜜嘅仙氣甜品拼盤就滿足到頂點喇。
最後叻叻老婆大人再次挑戰成功烹飪學堂，上次係章魚小丸子今次係大阪燒學堂，三兩吓手勢就完成咗又靚又好食嘅大阪燒喇。
Post
