禮記 (Closed)

🥩禁晚市前小編同朋友曾經嚟過，環境唔錯，坐得舒服。距離餐廳不遠處就喺將軍澳海濱公園，食完飯散個步不亦樂乎。印象中最深刻嘅喺蜜汁叉燒，厚切燒叉配上濃稠嘅蜜汁中，放置熱燙嘅鐵板呈上保持溫熱⋯今次朋友堅持要食得清淡啲，小編只好叫吓素食。但意想不到地「炒米」獲得家人極高評價。🥬上湯菜膽貴妃雞（$200）：上湯有濃香嘅金華火腿及豬骨嘅香味，慢咽下滲透出瑤柱鮮甜。浸淫於上湯中嘅雞肉柔滑軟綿。小棠菜爽口。🥕紅燒花菇豆腐（$158）：是晚小菜小編最喜歡呢份。豆腐煎至每面金黃，配菜香想料炒香，再加入醬料勾芡。火候把握很好，豆腐依然滑嫰，醬汁拌飯一絕～🥢禮記炒米（$158）：自稱「29年星州炒米資深食家」表示炒米奧義在於亁身少油，不發脹，米粉有米香。配上幼切叉燒，鮮蝦，蛋絲；再以韭黃及白芝麻等材料增添香氣。利宛首推，而禮記炒米之實力不相伯仲，實在令人驚喜。🍵每位另收茶芥（$13）：玫瑰荔枝茶推薦。聞就玫瑰味比較濃厚，入口有淡淡的荔枝香。高質茶底！值得一試。😋整體而言：坐位坐得舒服，茶香，食物質數有保證！小編位朋友已經成為常客⋯禮記 地址：將軍澳唐俊街23號MONTEREY Place地下G19號電話：28