Video
Read full review
2024-04-11
611 views
前排係旺角女人街搵野食，就去咗一間新開嘅西餐小店。估唔到係禾稈擒（冚）珍珠，舖面唔係好顯眼，但師傅用心製作，食物質素都比同街嘅西餐高🫡💪🏻 昆布活蜆扁意粉 ($108)呢個活蜆意粉比其他西餐廳嘅蒜香/白酒蜆意粉高汁！每隻蜆都大大隻，蜆肉新鮮，粒粒飽滿，食落鮮甜🤤 而且意粉嘅調味都幾特別，係用昆布同木魚汁作醬汁，食落滿滿日式風味，調味亦都唔會蓋過蜆肉，反而令到蜆肉更有鮮味😚。強烈推介！💪🏻 巨型虎蝦·三重芝士·龍蝦汁闊條麵 ($128)三重芝士分別用咗水牛芝士、車打芝士同巴馬臣芝士，有齊芝士香、拉絲感同埋灸燒芝士嘅感覺😋 而闊條麵都好掛汁！虎蝦方面如果肉質更彈牙就更好！💪🏻 手工和牛漢堡+薯條 ($78 +$18)和牛漢堡肉質夠實淨唔鬆散，食落都有微微牛香味！比較驚豔嘅反而係啲薯條😍 薯條炸得勁香脆，而且亦都舖上半融芝士，更邪惡🤤 另外，薯條嘅醬汁係自家調嘅黑松露蛋黃醬，黑松露香得黎唔會太假。我本身唔喜好黑松露都狂點😂💪🏻 火灸明太子醬·吉列大虎蝦蛋卷 ($62）呢個蛋卷係類似玉子燒嘅做法，但並非甜蛋，蛋卷有灸燒香，炸蝦都大大隻，好脆身！而明太子醬就唔算好突出。味道：8.5/10性價比：
前排係旺角女人街搵野食，就去咗一間新開嘅西餐小店。估唔到係禾稈擒（冚）珍珠，舖面唔係好顯眼，但師傅用心製作，食物質素都比同街嘅西餐高🫡
💪🏻 昆布活蜆扁意粉 ($108)
呢個活蜆意粉比其他西餐廳嘅蒜香/白酒蜆意粉高汁！每隻蜆都大大隻，蜆肉新鮮，粒粒飽滿，食落鮮甜🤤 而且意粉嘅調味都幾特別，係用昆布同木魚汁作醬汁，食落滿滿日式風味，調味亦都唔會蓋過蜆肉，反而令到蜆肉更有鮮味😚。強烈推介！
💪🏻 巨型虎蝦·三重芝士·龍蝦汁闊條麵 ($128)
三重芝士分別用咗水牛芝士、車打芝士同巴馬臣芝士，有齊芝士香、拉絲感同埋灸燒芝士嘅感覺😋 而闊條麵都好掛汁！虎蝦方面如果肉質更彈牙就更好！
💪🏻 手工和牛漢堡+薯條 ($78 +$18)
和牛漢堡肉質夠實淨唔鬆散，食落都有微微牛香味！比較驚豔嘅反而係啲薯條😍 薯條炸得勁香脆，而且亦都舖上半融芝士，更邪惡🤤 另外，薯條嘅醬汁係自家調嘅黑松露蛋黃醬，黑松露香得黎唔會太假。我本身唔喜好黑松露都狂點😂
💪🏻 火灸明太子醬·吉列大虎蝦蛋卷 ($62）
呢個蛋卷係類似玉子燒嘅做法，但並非甜蛋，蛋卷有灸燒香，炸蝦都大大隻，好脆身！而明太子醬就唔算好突出。
味道：8.5/10
性價比：7/10
食住瘦指數：💪🏻/5
昆布活蜆扁意粉
4 views
0 likes
0 comments
巨型虎蝦·三重芝士·龍蝦汁寬條麵
3 views
0 likes
0 comments
手工和牛漢堡
3 views
0 likes
0 comments
Post
