Video
Read full review
2018-08-07
222 views
因為姨甥仔返香港放暑假，近排多左出外用餐， 事關佢已經表態話明年唔會返香港， 所以要食盡香港地道美食， 我地呢班長輩，唯有捨命(除左出錢，仲要出磅數架) 陪君子啦😏。今日我開完會，佢又想拉我去食好野， 但我實在有心無力，所以只肯去屋企附近覓食。沙田新城市已經食到厭，於是約佢出大圍轉轉，搵左間舖位細細嘅火鍋店，六點零鐘咁早已經有幾枱人，坐低睇菜單(佢地好先進，是用ipad落單的) 佢應該係主打食牛🐂🐂，咩部位都有。其實我對牛一啲常識都冇，平時都係朋友負責落單我負責食嘅， 但今次要自己點，我就揀啲平日少見嘅部位啦。點左澳州和牛胸肉、牛駝峰同金花趾。再加兩個小食：手拍黃瓜同冰麻牛。湯底選左出面少有嘅牛雜湯，實行全牛宴上陣😁🤭。食物上枱時覺得每碟份量都好少，不過食落就覺得份量少有好處，皆因可以試多幾款唔同肉質而且我見好多都好似我地咁，兩個人嚟打邊爐，份量少先可以點多幾款，唔係嘅話一碟就飽哂啦😏。個牛雜湯底超正，好夠味且好足料好多野食，質素好👍，姨甥仲講笑話加個麵就變出面啲牛雜麵喇🤣。而三款牛肉呢，牛胸肉味道比較濃，但唔算滑，可能係因為唔肥啦，而牛駝峰會滑啲，不過我最喜歡嘅都係金花趾，因為質地似
今日我開完會，佢又想拉我去食好野， 但我實在有心無力，所以只肯去屋企附近覓食。沙田新城市已經食到厭，於是約佢出大圍轉轉，搵左間舖位細細嘅火鍋店，六點零鐘咁早已經有幾枱人，坐低睇菜單(佢地好先進，是用ipad落單的) 佢應該係主打食牛🐂🐂，咩部位都有。其實我對牛一啲常識都冇，平時都係朋友負責落單我負責食嘅， 但今次要自己點，我就揀啲平日少見嘅部位啦。點左澳州和牛胸肉、牛駝峰同金花趾。再加兩個小食：手拍黃瓜同冰麻牛。湯底選左出面少有嘅牛雜湯，實行全牛宴上陣😁🤭。
食物上枱時覺得每碟份量都好少，不過食落就覺得份量少有好處，皆因可以試多幾款唔同肉質而且我見好多都好似我地咁，兩個人嚟打邊爐，份量少先可以點多幾款，唔係嘅話一碟就飽哂啦😏。
個牛雜湯底超正，好夠味且好足料好多野食，質素好👍，姨甥仲講笑話加個麵就變出面啲牛雜麵喇🤣。
而三款牛肉呢，牛胸肉味道比較濃，但唔算滑，可能係因為唔肥啦，而牛駝峰會滑啲，不過我最喜歡嘅都係金花趾，因為質地似爽脆嘅牛𦟌。
小食嘅冰麻牛好開胃好冰涼，而個黃瓜就夠爽脆，不過我覺得可以再落多少少醋，酸啲更開胃。
打邊爐當然要配啤酒🍺啦，但姨甥鍾意飲wine, 呢啲麻甩野得我啱，唯有一個獨酌，試佢嘅本土原漿手工啤酒，口味比較清淡爽口，配濃味嘅打邊爐剛好。
今晚我地都好節制，點單份量剛好，skip左澱粉質主食，八成飽留肚出去食甜品😋😋😋🤭。
Post
