船皇 (大埔超級城) (Closed)

呢間船麵已經食過幾次，分別係銅鑼灣同大埔都有試過，感覺水準都保持到。泰國既船麵出名平，但香港你預左唔會食到泰國既價錢，但起碼４～５０蚊可以食到大大碗足料既麵都可以接受。今次去大埔分店食，座位比較闊落，店舖面積都比較大，所以感覺比較舒適。呢到就要自己去收銀落單比錢先，再自己捧餐揾位，所以比較自助。船皇湯麵每一次都必點呢個，雖然呢到分左豬、牛、雞三款配料既麵類，但如果你個人樣樣都想試啲，就一定要叫船皇湯麵。配料有牛腩、牛肉片、牛丸、雞絲、雞翼、豬腩片、豬肉丸、豬潤咁多款，每樣１～２件，好豐富。今次仲有得＋＄１升級做和牛片，超抵！呢到既配料款款都好出色，本來已經好入味，加上佢濃濃又帶點藥材香既湯底，完全係我至愛！雞翼雞絲湯麵佢既麵湯底都係同一款，今次揀左河粉，大大片河粉好煙韌，好有口感。同行友人亦特別鍾意每碗麵上面附送既炸豬皮，非常香口。泰式炒金邊粉都好推介呢到既粉金邊粉。我首先比佢既份量嚇親，好大碟，一個人未必食得晒！而且入面有大大粒蝦肉，有６～７粒左右，蝦肉都爽口彈牙。金邊粉炒完依然煙韌，加上味道帶點微辣，十分惹味。泰仔奶茶非常好味，茶或香濃，奶茶又夠滑，重點佢既甜度適中，完勝好多茶餐廳