Video
Read full review
2022-10-31
59 views
今日同朋友經過旺角西洋菜街，剛好遇着午飯時間，就上咗嚟銀座9樓呢間叫「日本嘢」度，試吓佢嘅午餐。入到去餐廳空間感大，我哋坐喺卡位，舒服得來私隱度高，看看餐牌，Set lunch 價錢大約$60-$120，有熱食及刺身定食。我叫咗個刺身拼盤拼豬骨湯烏冬，朋友就叫咗咖喱牛肋條飯，包餐飲。刺身拼盤有三文魚、八爪魚、油甘魚、甜蝦及帶子，全部都新鮮，特別一提八爪魚，我試過出面好多八爪魚都比較硬，佢呢度八爪魚唔硬容易食，有驚喜，豬骨湯烏冬就不過不失。朋友的咖喱牛肋條飯，面頭加咗木魚花及紅蘿蔔，朋友表示牛肋條太大條，可以的話切細啲應該更加入味，但味道不錯。飲品方面，通常食日本嘢都唔會預佢嘅飲品有港式茶餐廳嘅質素，但驚喜地呢度嘅奶茶及咖啡唔錯，另外有淡奶另上，濃度可以自己調。總括而言，呢間「日本嘢」就午餐來講性價比可以，坐得舒服私隱度高，經過開值得一試。
入到去餐廳空間感大，我哋坐喺卡位，舒服得來私隱度高，看看餐牌，Set lunch 價錢大約$60-$120，有熱食及刺身定食。我叫咗個刺身拼盤拼豬骨湯烏冬，朋友就叫咗咖喱牛肋條飯，包餐飲。
刺身拼盤有三文魚、八爪魚、油甘魚、甜蝦及帶子，全部都新鮮，特別一提八爪魚，我試過出面好多八爪魚都比較硬，佢呢度八爪魚唔硬容易食，有驚喜，豬骨湯烏冬就不過不失。
朋友的咖喱牛肋條飯，面頭加咗木魚花及紅蘿蔔，朋友表示牛肋條太大條，可以的話切細啲應該更加入味，但味道不錯。
飲品方面，通常食日本嘢都唔會預佢嘅飲品有港式茶餐廳嘅質素，但驚喜地呢度嘅奶茶及咖啡唔錯，另外有淡奶另上，濃度可以自己調。
總括而言，呢間「日本嘢」就午餐來講性價比可以，坐得舒服私隱度高，經過開值得一試。
Post
