Quattro's Kitchen (Closed)

呢間餐廳係康怡AEON 3樓玩具部，間格私隱度高又舒服，係晚餐既好地方。悉心介紹餐牌同會慢慢安排上菜，食完一樣再到下一樣。煙三文魚凱撒沙律，好大碟又開胃，除左煙三文魚仲有脆卜卜麵包粒同大量沙律菜。因為佢用沙律油唔係沙律醬，所以一D都唔會膩，煙三文魚既咸香夾住爽脆清新既菜同麵包粒，再有薄薄的芝士片，好味。之後就上暖暖既西湯，兩個湯都足料好味道，蟹肉波菜湯啖啖蟹肉，味道岩岩好；仲有超濃嘅龍蝦海鮮湯，配上新鮮熱辣餐包兩個，點住湯食非常滋味!低溫燒西班牙黑毛豬胺配蘋果蓉，Iberico 係頂級黑毛豬，因為呢個品種多吃橡果，所以豬肉帶獨特榛子芳香，脂肪滲透肉內，味清不燥。脂肪主要係不飽和脂肪酸，營養價值高。slow cook 煮得岩岩好，非常香嫩，配蘋果蓉更清新更有果香。香煎比目魚配檸檬牛油汁，比目魚份量大，食落嫩滑無骨啖啖肉，檸檬牛油汁再為魚肉提鮮，好好既配搭。主菜之外，配菜既薯蓉唔係溝粉係有薯仔粒，creamy又滑又有口感!最後就係甜品時間，心太軟幾高身，一切開就有流心朱古力漿，皮脆內軟，再配上oreo雪糕，一暖一凍口感好爽，哈蜜瓜粒仲可以沾朱古力漿食。整體呢間係服務、環境、同埋食物都好好，