孔夫子 (旭逸酒店．銅鑼灣) (Closed)

又來到一年一度食大閘蟹嘅季節，位於銅鑼灣旭逸酒店一樓嘅中餐廳「孔夫子」依家有個大閘蟹套餐，$488/位，以大閘蟹為主題提供多款中式美食，其中仲包括嗰啲招牌菜式，非常豐盛😋而且服務水平極高，真係令人感到賓至如歸啊！龍皇吐霧酒香鮮鮑魚果然好大霧，噴曬煙咁上菜，仲會拉出一個大氣泡，效果好特別！鮑魚好入味，帶有啲清酒嘅甜香，口感爽彈～底下仲有啲杏鮑菇墊底，索晒啲湯汁好好食。孔門参彩碟| 黑毛豬叉燒 • 陳醋水晶肴肉•艷影蝦球三款都係孔夫子嘅招牌菜❤️厚切黑毛叉燒口感軟腍，水晶肴肉上面嗰層陳醋啫喱酸酸地好開胃，同外面食到嘅好唔同呀！艷影蝦球隻蝦球好大隻，外皮脆，咬落爽口又彈牙！蟹粉蟹肉千絲豆腐羹豆腐口感滑溜，入面仲有好多蟹粉同埋蟹肉。清蒸大閘蟹公食大閘蟹就梗係要食蟹公啦！呢度嘅都幾大隻，而且有好多啫喱漿糊狀嘅白色膏，一拆開就爆出黎，真係超正，仲有提供各種工具協助拆蟹🦀蟹粉蟹肉扒菜苗蟹粉蟹肉下面係菠菜苗，撈埋一齊食最正！蟹粉小籠包大大隻，皮好薄，咬落爆曬湯汁～日式海鮮炒飯已經食到好飽，最後仲有個海鮮炒飯，炒得夠乾身而且好多海鮮，份量仲有好多添啊！薑茶湯圓食大閘蟹又點少得薑茶，飯後甜品來一川薑汁黑芝麻