Video
Read full review
2022-09-27
2602 views
講到最適合秋天嘅活動，就梗係去BBQ啦，但想再Chill啲，就推介位於金鐘嘅BRICK LANE喇！BRICK LANE近期推出嘅秋日啓動燒烤派對，就有專人幫大家燒埋嘢食，成班朋友就可以輕輕鬆鬆一齊望住維港邊食邊飲嘢傾吓計，真係Chill到好多朋友。BRICK LANEBRICK LANE一向以地道英國菜式及全日早餐為主打，而每間分店都有唔同主題，其中金鐘嘅BRICK LANE分店就設有一個可以飽覽維港景色嘅大露台，餐廳仲會定期舉辦提升快樂指數嘅活動同工作坊，為大家喺用餐同時帶嚟歡樂，而今次嘅秋日啓動燒烤派對就喺呢個大露台舉行。秋日啓動燒烤派對坐喺室外，望住維港真係好好feel呀！一坐低店員已經為我哋送上飲品， BRICK LANE提供餐酒、啤酒、汽水、果汁等選擇。沙律開胃嘅前菜有青菜沙律、蕃茄沙律、凱撒沙律、粟米沙律，款款都夠晒清新！BBQ燒烤食物方面，BRICK LANE嘅BBQ提供紐西蘭西冷、羊架、豬肋骨、雞扒、紐倫堡肉腸、大頭蝦、雞髀菇、雞翼、咖哩椰菜花、青口、菠蘿同粟米等。我哋就特別鍾意豬肋骨，肉香而且非常juicy，仲帶有BBQ最重要嘅焦香味呢！另外，紐西蘭西冷同羊架嘅時間
BRICK LANE
BRICK LANE一向以地道英國菜式及全日早餐為主打，而每間分店都有唔同主題，其中金鐘嘅BRICK LANE分店就設有一個可以飽覽維港景色嘅大露台，餐廳仲會定期舉辦提升快樂指數嘅活動同工作坊，為大家喺用餐同時帶嚟歡樂，而今次嘅秋日啓動燒烤派對就喺呢個大露台舉行。
秋日啓動燒烤派對
坐喺室外，望住維港真係好好feel呀！一坐低店員已經為我哋送上飲品， BRICK LANE提供餐酒、啤酒、汽水、果汁等選擇。
沙律
開胃嘅前菜有青菜沙律、蕃茄沙律、凱撒沙律、粟米沙律，款款都夠晒清新！
BBQ
燒烤食物方面，BRICK LANE嘅BBQ提供紐西蘭西冷、羊架、豬肋骨、雞扒、紐倫堡肉腸、大頭蝦、雞髀菇、雞翼、咖哩椰菜花、青口、菠蘿同粟米等。我哋就特別鍾意豬肋骨，肉香而且非常juicy，仲帶有BBQ最重要嘅焦香味呢！另外，紐西蘭西冷同羊架嘅時間控制得好好，肉質軟腍，肉味香濃！如果鍾情海鮮仲可以upgrade添，每日提供嘅海鮮會視乎供應有所不同，訂位時可以問清楚當日會有咩海鮮供應，而我哋今晚就有花甲、鮑魚、長腳蟹、帶子、蠔同虎蝦，相信總有食物啱大家胃口。
主菜
BRICK LANE嘅秋日啓動燒烤派對仲有幾款主食俾大家追加，包括拿破崙意大利麵、鱸魚同埋波士頓龍蝦等，真係夠晒豐富呀！
遊戲活動
平時帶小朋友去郊野公園燒嘢食，最重要係俾佢哋盡情放電，嚟到BRICK LANE，餐廳都劃分咗一個小朋友天地，放有唔少玩具同書藉，咁就唔會悶親佢哋，大人們亦可以有自己嘅metime啦！另外，餐廳亦有氣墊球俾大家食飽飽玩吓，郁動之後又可以再食過再飲過啦，真係夠晒盡興！
Post
