喫茶ちょうぼ

Open Now

Now Closed

🦀和風北海道松葉蟹肉沙律沙律菜爽脆，北海道松葉蟹一定份量，另外上面仲有蟹籽薯仔沙律加埋半熟温泉蛋，可以攪拌後一齊食。🍝盛宴蟹黃鱈場蟹肉意粉用蟹黃做意粉醬汁，蟹膏香濃，扁意粉掛汁更多，有蟹籽及鱈場蟹粒粒肉，意粉都煮得相當恰到好處。🍔焦糖洋蔥鳥取和牛漢堡配薯條脹卜卜•好厚嘅和牛漢堡，一層芝士係牛肉上溶化！漢堡用嘅Brioche Bun鬆軟，焦糖洋蔥甘口提升牛肉味，牛漢堡多肉汁。薯條都好出色，金黃酥脆，有薯味。🍮金時甜薯焦糖布甸盛合啡黃色布甸，焦糖番薯，仲有秋天豐收嘅甜柿，果仁及焦糖脆餅，色調一致！仲有兩杯限定特飲～ 🍠二番甜薯牛乳，甜薯牛奶香甜入口有棉密番薯，外層有紫薯加忌廉。🍅秋茗柿橘沙冰，比較清淡，但絕對係柿橘新鮮打成嘅沙冰，清甜感無添加，感覺原味道。