永利威酒業有限公司

Open Now

Now Closed

又到咗食大閘蟹嘅季節，為食豬都湊下熱鬧買返幾隻蒸嚟食。為食豬經團購買咗3兩至3兩半太湖嘅小蟹小試牛刀，每隻都只係二十幾蚊，好抵食。選購時店員會督吓個蟹殼俾為食豬睇隻蟹嘅眼仔仲識郁，確保係生蟹先會賣。蟹仔拎到返屋企仲郁郁下嘔緊泡。店家會俾張蒸蟹攻略，就算生手如為食豬都可以自己蒸出靚蟹。刷乾淨蟹仔，用紫蘇葉鋪底，蟹蓋向下蒸15分鐘就食得喇!睇吓啲黃油已經走咗出嚟招喚為食豬食佢喇。為食豬買嘅係蟹公，雖然蟹仔細細，蟹黃份量絕不欺場。蟹膏鮮甜，馥郁嘅香氣喺口腔瀰漫，令為食豬回味無窮。作為大配角嘅蟹肉亦唔差，肉質彈牙，甚有鮮甜蟹味。多得呢4隻蟹仔，兩隻為食豬享受住拆蟹嘅樂趣，渡過咗個悠閒下午。