Video
Read full review
2016-10-01
406 views
人地話「秋風起，三蛇肥」，但我本身就唔食蛇，今晚天氣已經轉涼，秋意起，想暖身最好當然同朋友打個邊爐啦~ 今晚又走左入黎九龍城，見前兩日買串燒經開上品火鍋料理好似環境唔錯，開得夜又有啲優惠，反正未食過，食下無妨。望住menu湯底種類都幾多，鐘情蕃茄既我地揀左蕃茄薯仔牛粒湯，估唔到都幾好飲，比一般火鍋既蕃茄湯底濃郁，就好似飲緊西餐廳蕃茄牛尾湯，牛肉粒冇滾到糊糊爛爛，而且牛味重，仲有大量草菇，薯仔，洋蔥煮，未點餸已經大把湯料食😂唔怪得個湯點滾仲咁重蕃茄味。上品打邊爐有樣好處，就係好多種類加5至10蚊就可以變雙拼，最岩我呢啲想有咁多試咁多既人叫。原本想食芝心鳳尾蝦，點知賣哂😭唯有選擇其他，芝士爽蝦丸同流沙汁釀墨魚丸，兩款丸都值得一讚。蝦丸，墨魚丸彈牙不在話下，蝦丸芝士味濃郁，而且只係咬左一小口非常澎湃流出。至於流沙汁釀墨魚丸更為邪惡，金黃鹹香蛋黃源源不絕湧出，成粒墨魚丸由雪白變得黃澄澄。打邊爐無牛不歡，一定要叫番一碟先係打邊爐，要食到咁多款牛，唔叫牛肉拼盤點得😏牛柳粒油花不絕，肥牛雖然叫肥牛，但一啲都唔肥膩，脂肪分佈非常平均，安格斯牛肉入口即溶，牛有嚼勁，手切牛肉最濃牛肉鮮味，牛胸尖爽口，真
今晚又走左入黎九龍城，見前兩日買串燒經開上品火鍋料理好似環境唔錯，開得夜又有啲優惠，反正未食過，食下無妨。
望住menu湯底種類都幾多，鐘情蕃茄既我地揀左蕃茄薯仔牛粒湯，估唔到都幾好飲，比一般火鍋既蕃茄湯底濃郁，就好似飲緊西餐廳蕃茄牛尾湯，牛肉粒冇滾到糊糊爛爛，而且牛味重，仲有大量草菇，薯仔，洋蔥煮，未點餸已經大把湯料食😂唔怪得個湯點滾仲咁重蕃茄味。
上品打邊爐有樣好處，就係好多種類加5至10蚊就可以變雙拼，最岩我呢啲想有咁多試咁多既人叫。原本想食芝心鳳尾蝦，點知賣哂😭唯有選擇其他，芝士爽蝦丸同流沙汁釀墨魚丸，兩款丸都值得一讚。
蝦丸，墨魚丸彈牙不在話下，蝦丸芝士味濃郁，而且只係咬左一小口非常澎湃流出。至於流沙汁釀墨魚丸更為邪惡，金黃鹹香蛋黃源源不絕湧出，成粒墨魚丸由雪白變得黃澄澄。
打邊爐無牛不歡，一定要叫番一碟先係打邊爐，要食到咁多款牛，唔叫牛肉拼盤點得😏
牛柳粒油花不絕，肥牛雖然叫肥牛，但一啲都唔肥膩，脂肪分佈非常平均，安格斯牛肉入口即溶，牛有嚼勁，手切牛肉最濃牛肉鮮味，牛胸尖爽口，真係好難揀邊款牛最好味。
打邊爐總會叫啲好索湯底既配料，蜂巢冰豆腐拼四川薯粉絕對唔少得。豆腐盡得蕃茄湯「真傳」，完完全全變成一件蕃茄味既豆腐。薯粉非常滑，不過滾薯粉時注意最好用湯勺裝住滾，因為好易滾滾下唔見左，搵唔番啲薯粉😫開頭我就係咁😭
三文魚刺身加39蚊就有8塊，非常抵食，而且冇雪味幾新鮮👍
北海道大元貝刺身晶瑩雪白，而且肉夠厚身鮮甜，呢個刺身幾岩鐘意食海鮮既我叫。
唔可以齋做食肉獸，都要叫番碟唐生菜均衡飲食一下，菜份量都幾多。
打邊爐都要下下火，竹蔗茅根就最岩。
Post
