秋意 (成業工業大廈)

Open Now

Now Closed

朋友開完會，約我去觀塘成業街等，然後一齊去午飯，見到呢座大廈有間食店叫秋意，正好現在秋意正涼，咁啱呢個天氣，就去試吓啦！入到餐廳，有啲中西合璧嘅感覺，我哋兩個人分別叫咗一個便當，一個紅酒雜菜豬軟骨配湯麵，跟陳皮普洱茶；另一個要酸菜魚湯麵，跟熱柚子蜜，再加個小食話梅醉雞翼。小食醉雞翼先上，一上碟已經聞到濃濃酒味，零舍開胃，喜歡醉雞嘅朋友一定要試一試；酸菜魚湯麵，因朋友怕辣，所以我哋叫一個清新啲，魚肉爽脆，配上傳統酸菜和豆卜，好暖胃，秋冬食呢個就最啱嗱；紅酒雜菜豬軟骨，有啲fusion feel，西式得來又有中菜感，湯麵跟豬軟骨，分開兩碟上枱，可見老闆的心思，豬軟骨淋甜配上紅蘿蔔和醬汁，別有一番風味，配埋普洱茶，好滿足。食飽飽，繼續去觀塘shopping。