長發麵家 (Closed)

好多人都秋風起食臘味，我就會去食長發、水記etc. 長發無論係裝修、風格、食物、服務全部都係我心水米芝蓮餐廳同保羅叔叔吹開水、佢問「今日水餃如何」、我同佢講「好似爭咁啲筍喎」佢話俾我聽原來呢個係一個最新改良水餃 、佢就係見到好多人唔識筍，全部放喺枱上面、加上筍成本高、質量參差、所以改咗用冬菇代替，呢個味道保羅叔叔笑謂香港絕無僅有，我就用咗古巨基攞獎嗰一刻金句「其實我好鍾意唱歌」回答保羅叔叔「其實我好鍾意食筍」搞到保羅叔叔Hyper從而請教下佢咩時間先至可以遇到比粉紅色lin頭更難遇到的傳說中炸魚皮，保羅叔叔始終道高一丈，送咗個兩個字「隨緣」、我同保羅叔叔講「愛係要爭取嘅、由呢一刻開始我咩都唔做、淨係日日招呼你一個、日日打電話俾你」「大笑」現時好難搵到雲吞麵舖能夠做到每樣食物都平均或水準以上、個人認為長發係其中一間、由魚蛋、炆腩、豬手、雲吞、水餃、辣椒油、豉油撈麵全部都令到我齒頰留香、嗰碗豉油撈麵端出嚟喺你面前、啲香味兜口兜面射出來、若然全條冷巷都叫呢碗豉油撈的話，我相信真係成條冷巷都聞到、個人認為係全香港最靚嘅豉油撈 、若然嗰碗湯冇落師傅的話就真係天下無雙的鐵皮冷巷雲吞麵